Август 2022 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Аслана татар мәдәният йортында 12 ел буена регионара үзен таныткан «Веселинки» балалар бию ансамблен җитәкләүче Миләүшә Яценович күптән түгел авыл хатын-кызларын туплап, «Яшьлеккә сәяхәт» дигән фольклор-бию ансамблен оештырды. Кыска вакыт эчендә алар авыл мәдәният йорты сәхнәсеннән авылдашларын матур чыгышлары белән сөендереп, мәхәббәтләрен яулап өлгерделәр. Ә август аенда Тубыл шәһәрендә узган «Искер җыены» халыкара фестивалендә Россиянең төрле шәһәрләреннән, Татарстан, Казахстан Республикаларыннан килгән 300дән артык артист арасында «Яшьлеккә сәяхәт» ансамбле дә үзенең иҗади чыгышын күрсәтеп, хореография номинациясендә 2 нче дәрәҗәдәге лауреат исеменә лаек булды.
Икенче көнне «Яшьлеккә сәяхәт» ансамбле шәһәрнең «Синтез» мәдәният йортында үткән гала-концертта да катнашты. Шатлыклары белән бүлешеп Миләүшә Октябрин кызы: «Бу бәйге безнең өчен беренче олы сынау булды. Халыкара бәйгедә профессионалларга да катнашасы җиңел түгел. Ә без аны «5»ле билгесенә үттек, дияр идем. Жюри әгъзалары, тамашачылар ансамблебезнең бу беренче адымнары гына булуына ышанмадылар да. Чынлап та, кызлар мактау, соклану сүзләренә лаеклар. Бу җиңүгә без бары тырышлык, исәпсез репетицияләр, үз кулыбыз белән костюмнар тегеп үткәргән йокысыз төннәр, аннары үзебезнең сәләтебезгә, булдыра алуыбызга ышануыбыз аркылы ирештек. Чын күңелемнән мин кызларым белән горурланам. «Дөнья игелекле кешеләрсез түгел» дигән әйтем бүгенге көндә дә үзенең чын мәгънәсен югалтмаган. Әлеге бәйгедә без авылдашларыбыз Зөлфия һәм Зөфәр Аллаяровлар, Рөстәм Шәйдуллин ярдәмнәре белән катнаштык. Беренче җиңүебезне аларга, хөрмәтле спонсорларыбызга багышладык, аларның ышанычларын аклый алганыбызга бик шатмын», - дип сөйләде.
Рәүфә КАНГАЗИНА
