Хуш, мәктәбем!

Подробности

Опубликовано 30.05.2014 08:45

Просмотров: 1181

Кыңгыраулар чыңлый соңгы тапкыр.
Соңгы тапкыр чыңлый бу елны.
Мөгәллимнең күзләрендә яшьләр
Сайлаганда бүген зур юлны.

Озаталар сезне гөлләр сузып
Бәйләм-бәйләм тотып кулларга.
Укытучы күпме еллар сезгә
Белем биргән барыр юлларга.

Уку бетә диеп, “урра” көлеп
Нигә микән берәү йөгерми?!
Мәктәпләрдә бүген олы бәйрәм,
Тәнәфескә чыңнар бирелми.

Ак алъяпкыч, күбәләк тасмалар –
Уку елның бетү өлгесе.
Әти-әниләрне сөендереп
Алып кайтыгыз бишле билгесе.

Бишле куеп сезне озатабыз,
Бишле булсын сезнең тәртипкә.
Чыгарылыш көне килеп җитте,
“Хуш” диясез бүген мәктәпкә.

                                     Алифә ИБРАҺИМОВА.
                                       Г. ВӘЛИЕВА фотосы.