Күсе елы якынлаша. Табын әзерләгәндә күпчелек хуҗабикәләр кунаклар һәм үзләре яраткан ризыкларны гына түгел, ә киләсе Яңа ел символикасына да игътибар итәләр.
Фәнни астрология мәктәбе җитәкчесе Сергей Безбородный Яңа ел табынында сыер итеннән эшләнгән ризыклар булмаска тиеш, дип саный. Чөнки үгез - күсенең яшерен дусты, имеш. Ит яратучыларга ат һәм бәрән итенә өстенлек бирергә куша ул.
Пешекче Игорь Виленский исә табынга төрле-төрле сырларны күбрәк куярга киңәш итә.
“Шәһри Казан”.