Мәңгелек яшьлек

Подробности

Опубликовано 23.02.2018 00:00

Просмотров: 556

Зур булмаган авылда Дэо исемле бик матур, эшчән, мәрхәмәтле бер ир үзенең яраткан хатыны, балалары белән яшәгән була. Бервакыт бу авылга бер ят кеше килеп чыга. Ул Дэога башка илләр, сүз белән генә әйтеп бирерлек булмаган чибәр кызлар, дөньядагы төрле могҗизалар турында дәртләнеп сөйли дә, аңа яшьлек эликсиры тәкъдим итә. Ләкин ул чакта Дэо яшь, көчле була, шуңа ул бу Акыл иясеннән бары тик көлеп кенә куя. Күп еллар үтә, Дэоның әкренләп сәламәтлеге бетә бара, дуслары да бик сирәк киләләр, хатыны, балалары да күп игътибар бирми башлыйлар. Шул чак Дэо әлеге Акыл иясен һәм аның тылсымлы даруын исенә төшерә дә, аны эзләп китә. Әлеге Аксакалны тапкач, Дэо аннан даруны сатып алырга тели.

Акыл иясе башын чайкап: “Яшьлек эликсиры үзенең көчен күптән югалтты инде. Вакытында нәрсә әйткәнемне хәтерлисеңме? Эликсирны эчкәнчегә хәтле көн саен син иртән тору белән башта хатыныңа елмаерга, аннары авыл читенә барып елганы йөзеп чыгарга, иртәнге ашка бакчадагы алмагачтан өлгергән иң тәмле алмаларны өзеп керергә тиеш булачаксың. Бары тик шулай эшләгәндә генә эликсир үзенең тылсымлы көчен җыеп, сине мәңгелек яшь итеп калдырачак!” – дип әйтә.

Мораль: Мәхәббәт хакы өчен хәрәкәтләнү – мәңгелек яшьлеккә беренче адым ул. Үзегезне яратыгыз! Җаныгызны, тәнегезне, уйларыгызны яратыгыз һәм хәрәкәтләнегез! “Яткан таш астыннан су акмый” дип әйтелә бит халык мәкалендә. Чынлап та, бары тик көн саен эшләү аркасында гына кирәкле нәтиҗәгә ирешеп була.

Интернеттан.
(Рәүфә КАНГАЗИНА тәрҗемәсе).