Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тотылган машина алганда, йөргән чакрымнары панельдә күрсәтелгәнчәме икән, дип шикләнерлек. Чөнки сер түгел, санны киметү очраклары күп, мондый хезмәт күрсәтүчеләр бар хәтта. Әнә шул кармакка капмас өчен, түбәндәгеләрне истә тотарга кирәк.
- Автомобильнең техник карау (техосмотр) узу турында тамгалар салынган сервис китабы булырга тиеш. Анда нинди техник эшләр башкарылуы, карау үткәрелгәндә машинаның ничә чакрым узуы теркәлә. Хәзер күп рәсми дилерлар мәгълүматны электрон базага кертә, алардан да кызыксынырга мөмкин.
- Әгәр автомобильнең кузовында кителгән, кырылган урыннар шактый икән, бу машина кимендә 100 мең чакрым узган, дигән сүз. Рульгә игътибар итәргә кирәк: күп йөргән машинаныкы кырылган, тузган була. Утыргычлар да таушала. Әмма алда әйтелгәннәр идеаль булса, ялтырап торса да, сагаерга кирәк. Кузовны ялтыратып буяган, ә утыргыч, рульне алыштырган булулары бар.
- Хәзер теге яки бу техника чарасы турында мәгълүмат бирә торган базалар бар. Алар машиналар техник карау узганда диагностика картасына язылган күрсәткечләргә (ЕАИСТО) таянып эш итә. Автомобильне интернеттагы сату-алу игъланнары сайтыннан тапкансыз икән, ул сайт аша да түләүле мәгълүмат алырга мөмкин.
- Заманча сервисларда сканер яки диагностик җайланма ярдәмендә дә чын дөреслекне беләләр. Аннары, оста механиклар аның детальләренә карап та якынча күпме йөргәнен әйтеп бирә.
«Ирек мәйданы».
