Машинаны кышын ничек тиз җылытырга?

последние и лучшие новости искусства в мире

Кыш көне салкын машинага утырып китү, ай-һай, рәхәт түгел. “Автозапуск”лы сигнализация юк икән, автомобильнең җылынганын көтеп, янында озак таптанасы булачак. Утыргыч һәм руль җылытылса, салон әле салкын булса да, йөртүче туңмый. Ә менә машинада андый опцияләр юк икән, авырга туры килә. Мондый очракта салонны ничек тиз җылытырга соң? Шуның серләрен чишик.

Машинаны кабызганда, мич вентиляторын бөтенләй сүндерергә киңәш ителә. Бу аккумулятор бөтен көчен двигательне эшләтеп җибәрүгә тотсын өчен кирәк. Мотор җылынмыйча, салонда температура күтәрелми, шуңа да вентиляторны ул җылынгач кына кабызырга мөмкин.

Белгечләр әйтүенчә, туктап торган машинаның салоны тиз җылынмый, шуңа да мотор ике-өч минут эшләгәч, кузгалып китәргә кирәк. Әмма кисәк туктау һәм кузгалу булмаска тиеш. Акрын гына барганда да 5-6 минутта двигатель җылыначак һәм салонга җылы һава килә башлаячак.

Әгәр тәрәзә бозланып каткан һәм кузгалып китү мөмкин түгел икән, “антилед” дигән сыеклык алып куярга киңәш ителә. Аны сиптергәч, тәрәзә тизрәк чистарачак. Моның өчен боз чистарткыч кулланырга кирәк. Кайбер йөртүчеләр кышын катмый торган тәрәзә югыч сыеклыкны су бөркегечкә (распылитель) салып, шуны сиптерә. Болай эшләгәндә дә боз тизрәк эри.

«Ирек мәйданы».

Качественная укладка линолеума или как сделать правильно прикатку линолиума