“Пушкин картасы” кемнәргә бирелә?

Подробности

Опубликовано 26.11.2021 02:00

Просмотров: 393

Яшьләрне мәдәнияткә тарту максатында Россиядә 1 сентябрьдән яңа программа эшли башлады — “Пушкин картасы”. Аның белән 14 яшьтән алып 22 яшькә кадәргеләр музей, театр, концертларга бушлай керә алачак. Әлеге картаны алыр өчен дәүләт хезмәтләре порталында теркәлергә кирәк. Виртуаль карта урынына пластик формасын “Почта банк”та ясатырга була.

Картада 3000 сум акча бар, аны мәдәни чараларга гына кулланырга мөмкин. Алар “Культура.РФ” порталында һәм “Дәүләт хезмәтләре. Культура” кушымтасында махсус афишада күрсәтелгән. Билетны шул кушымта яки мәдәният оешмасының сайты аша алып була. Анда “Пушкин картасы” белән түләргә” дигән төймәгә басарга кирәк. Программада Россия буенча 1500 мәдәният учреждениесе катнаша.

- Карта белән алынган билетны башка кешегә бүләк итәргә ярыймы?

- Юк. Билет карта иясе исеменә бирелә, аны башка кешегә бүләк итеп булмаячак. Әгәр үзегез билгеле бер сәбәпләр аркасында бара алмыйсыз икән, акчаны кире картага кайтарырга була.

- Картадагы акчаны кулланмасаң, киләсе елга күчәме?

- Юк, 31 декабрьдә картадагы 3 мең сум яна.

- Карта белән кинога барырга мөмкинме?

- Юк, карта белән кинога, циркка билет алып булмый.

“Ирек мәйданы”