Сентябрь 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Днепропетровск шәһәренең бер мәктәбендә химия фәне укытучысы укучылары белән гадәти булмаган тәҗрибә уздыралар. Бүгенге көндә һәр бала яратып ашаган чипслар, кириешкилар кеше организмына ничек тәэсир итүен ачыклар өчен бу ризыкларны тычканнарга ашаталар. Алар 12 тычканны 4 төркемгә бүлеп, беренче төркемдәгеләрне чипслар, икенчедәгеләрне – кириешки белән генә “сыйлыйлар”. Өченче төркемдәгеләрнең ризыкларына колбаса, фастфудларга куша торган Е621 - тәм көчәйткече кушып ашаталар.
Ә дүртенчеләргә бодай бөртекләре, яшелчәләр, җиләк-җимешләр генә бирәләр. Нәтиҗәдә, чипс белән туенган тычканнар 20 көннән соң бер-бер артлы үлә башлыйлар. Ә үләр алдыннан алар сукыраеп, йонсыз калалар. Соңыннан билгеләнә, әлеге тычканнар бавыр циррозы, аш кайнату процессы бозылу һәм күзнең челтәр катламына зыян килү сәбәпле һәлак булалар. Кириешки ашаган тычканнарның да хәлләре мөшкел. Ә натрий глутаматы кушылган ризык ашаган тычканнарда ашка бәйлелек һәм агрессивлык күренә. Бары тик орлык-яшелчәләр ашаган тычканнар гына үзләрен яхшы хис итәләр. Тәҗрибә үткәргәннән соң укучылар киләчәктә беркайчан да чипслар һәм кириешкилар ашамаска, дигән нәтиҗә ясыйлар. “Миңа тычканнарны, әлбәттә, кызганыч. Ләкин шул ризыкларны кешеләр дә ашыйлар. Ә кешеләрне мин күбрәк жәллим”, - дип әйтә укучы Мария Каширина.
Интернеттан
Рәүфә КАНГАЗИНА әзерләде.