Декабрь 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Яңа ел бәйрәменә пилмән пешерегез, ә ботканы онытып торыгыз. Ни өченме? Кытайлар белә.
Кытайда Яңа елны бар шартын китереп каршылыйлар. Ел хуҗасының күңелен күрсәң, ел уңышлы булачак, дип ышаналар. Су Юлбарысы елын Кытайда ничек каршы алачаклармы? Йокламыйча! Нәкъ быел Яңа ел төнендә йокламаска кирәк икән. Хәтта бәйрәмне яратмасаң да. Югыйсә, бәхетеңне йоклап калдырырга мөмкин, ди.
2021 ел тәмамланганда, 2022 ел ишек какканда елмаеп-көлеп, уйнап-биеп торыгыз. Киемегез табигый тукымалардан, зәңгәрсу, зәңгәр, кара, яшел, көрән яисә зәйтүн җимеше төсендә булсын. Ә менә “юлбарыс” булып киенергә кирәкмәс.
Кытайлар быел бәйрәмдә һичшиксез пилмән пешерергә киңәш итә. Юлбарыс моны яхшы бәяләр. Һәм барлык итле ризыкларны да. Ә менә Яңа ел алдыннан ботка ашамагыз. Киләсе елда күңелсезлекләрне “кашыклап” йотмас өчен.
Чын кытайларча Яңа ел каршылыйсыгыз килсә, бәйрәмдә озын токмач та пешерегез. Шул токмачтай озын, бәхетле гомергә ия булырсыз.
“Кызыл таң”