Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Безнең Индәр авылында армия сафыннан кайткан ике егет һәм бүгенге көндә хезмәт итүче егетләребез турында язарга булдым.
Руслан Рөстәм улы Алкин 1999 елны туган. 2006 елны 1 сыйныфка Индәр башлангыч мәктәбенә укырга керә. 4 сыйныфны тәмамлап, 5 сыйныфка Черное авылында интернатта яшәп укый. 8-11 сыйныфларны Первомайка урта мәктәбендә белем ала.
2017 елны ул армия сафына алынып, 2018 елны ноябрь аенда без, авылдашлары, баянда уйнап, җыр-бию белән каршыладык.
Армиядән кайткач, Руслан машина йөртүче һәм Төмән шәһәрендә балта остасы буенча белем ала.
Хәзерге көндә әти-әнисе һәм кече сеңлесе белән үз йортларында яшиләр. Әнисе – сатучы, әтисе янгын сүндерүче булып эшлиләр.
Руслан эшчән егет, балык тота, урманга йөри, өй эшләрендә булыша. Аның киләчәккә планнары күп. Уңышлар сиңа, Руслан!
Данир Динар улы Маняпов 2000 елны туа. 8-11 сыйныфларны Первомайка авылында тәмамлап, Төмән индустриаль университетына укырга кереп, бораучы ярдәмчесе белгечлеге алып чыга.
Хәзерге көндә ул Тубыл шәһәрендә полиция хезмәтенә эшкә керергә җыена. Хәерле сәгатьләрдә булсын, Данир!
Зөфәр Зиннур улы Яналиев 1999 елны туган. Ул да авылдашлары кебек Первомайкада 9 сыйныфны тәмамлап, Төмән индустриаль университетына укырга керә, ике диплом алып чыга.
Бүгенге көндә ул Чита өлкәсендә танкчылар гаскәрендә хезмәт итә. Алла боерса, туган ягына көз айларында кайтырга тиеш. Аны якыннары һәм барлык авылдашлары көтәләр. Без Зөфәргә сау-сәламәт кайтып, тормышта үз урынын табып, яраткан һөнәрен башкарып, якыннарына ярдәм итеп, бәхетле гаилә корып яшәвен телибез.
Тания АЙБАТОВА, Вагай районы, Индәр авылы.
