Февраль 2018 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тубыл шәһәрендә беренче мәртәбә “Яңа буын” дип аталган иҗат фестивале узды. Монда эш урыннары булган һөнәр ияләре төрле номинацияләрдә үзләренең осталыкларын күрсәттеләр. Фестивальдә себер-татар мәдәният үзәге хезмәткәрләре дә катнашып җиңү яуладылар. Айгөл Захарова – 1нче дәрәҗәдәге лауреат дипломы, Илнар Колмәмәтов - 1нче дәрәҗәдәге диплом, Зөлфия Айтбакова - 1нче дәрәҗәдәге диплом белән бүләкләнделәр. Айгөл татар мәдәният үзәгендә мәдәни чаралар оештыра, хореограф булып эшли. Ул хореограф буларак, өлкә күләмендә танылган укытучы да, биюче дә.
Илнар – тавыш операторы, төрле уен коралларында уйный, “Себер иле” тапшыруларын чыгара. Зөлфия - балаларны җырларга өйрәтә, үзе дә матур җырлар башкара. Иҗади юнәлештә хезмәт итүче җырчылар, биючеләр җылы каршы алган тамашачыларга, аларның хезмәтләренә лаек бәя биргән жюри әгъзаларына рәхмәтләр белдерделәр. Зөлфия Айтбакова тәэсирләре белән уртаклашып: ”Тубылда җыр яратучы, уен коралларында оста уйнаучы сәләтле яшьләрнең күп булганын күрдек. Аларның һәммәсенең эш урыннары бар. Башка талантлы катнашучылар арасында без сынатмадык. Яшьләрне замана җырлары берләштерә. Бу конкурста мин татар телендә җырладым. Тамашачыларга, оештыручыларга, жюри әгъзаларына рәхмәтләребез зур”, - диде. “Яңа буын” фестивале эш урыннарында тырышып хезмәт иткән, сәхнәдә сәнгать осталыкларын күрсәтерлек яшьләребезнең барлыгын, күплеген күрсәтте.
Римма УМИТБАЕВА.