Истәлекле танышу

Подробности

Опубликовано 11.09.2015 00:00

Просмотров: 708

Узган елның сентябрь аенда миңа татар дөньясында күптән танылган ике шәхес белән танышырга насыйп булды. Алар Зыятдин Хаял улы Низамов һәм Заһит Гаталхак улы Акбүләков иделәр.

Бу мөһим очрашу апам Гөлшат Туйчикованың 50 яшьлек юбилей кичәсендә булды. Кичә буена мин бу ике абыйның энергияләренә, кешеләргә булган мәхәббәтләренә, сүз осталыкларына сокланып туя алмадым. Алар юбилярга үзләренең “Вакыт һәм тормыш юлларында” исемле китапларын, генерал Федюнинский исемендәге диплом тапшырдылар. Абыйлар ул көнне үзләрен рәсми рәвештә килгән кунак кына түгел, бик оста биючеләр итеп тә күрсәттеләр. Күпме матур ханымнарны парлы биюгә чакырып, барыбызны да күңелләндерделәр.

Ул көнне мин, 30 яшьлек кеше, үзем өчен бу ике йолдыз: З.Низамов һәм З.Акбүләковны ачтым. Әле 1 ел да үтмәде – күңелсез хәбәр килеп җитте. Танылган шагыйребез, публицист, 7 китап авторы Заһит Акбүләков безнең арадан китеп тә барды.

Зифа БИКТИМИРОВА, Төмән шәһәре.