Вагай мәдәният йортында

Подробности

Опубликовано 06.03.2015 09:20

Просмотров: 847

Чараны Карагай авыл клубы җитәкчесе Алсу Байморатова алып барды. Вагай клубы сәхнәсен берсеннән-берсе матур, талантлы якташларыбыз, укучыларның чыгышлары бизәде. ”Таң йолдызы”, “Халык сәнгате”, “Түгәрәк уен” өлкә фестивальләренең сайлап алу программасында “Әбием сандыгы” (Карагай), “Косык сугу” (Тугыз) күренешләре күрсәтелде. Аларның чыгышларына өлкә татар Конгрессының мәдәният департаменты җитәкчесе В.Ташкалова бәя бирде: ”Бу төркемнәрнең киләчәкләре өметле. Алар алдан киңәшләшеп эшләделәр. Тәкъдимнәребезне, теләкләребезне тыңласалар, алга таба иҗади үсеш булыр. Инде косык сугучыларның милли костюмнары турында уйларга кирәк».

“Сөмбелә” фольклор төркеме (Г.Шихова) 2 нче дәрәҗәдәге диплом белән бүләкләнде, мөнәҗәт башкаручы А.Байморатова мактау сүзләренә лаек булып, диплом белән бүләкләнде. 1 нче дәрәҗәдәге дипломнар - Юрмы авылыннан Л.Мөхәммәтрәхимова, Тугыз авылыннан - В.Насыйбуллинга бирелде.

Вагай районында урнашкан татар авылларында татар теле һәм әдәбиятыбызны яхшы белгән, татар газета-журналларын яратып укыган милләттәшләребез яши. “Яңарыш” өлкә газетасын алучылар саны да монда аз түгел. Газетаның юбилее уңаеннан, милли җанлы, актив хәбәрчеләребез - Сәлиха апа Надеина, Венера Ибукова, Асия Зимагулова, Фәхриҗамал Утяшева, Фатыйма Вабиева, Хәят Зәйнетдинова, Сәкинә Сәетчабаровага Рәхмәт хатлары, бүләкләребезне тапшырдык. ”Яңарыш”ыбызың 25 еллык юбилее уңаеннан оештырылган очрашуларда авыл кешеләре, аларның тормышлары белән таныштык. Бу турыда мәкаләләрне киләсе саннарда күрерсез.

Римма УМИТБАЕВА.