Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Кадерле хатын-кызларыбыз!
Бөтендөнья татар конгрессының Милли Шурасы исеменнән һәм шәхсән үз исемемнән Сезне 8 март - Халыкара хатын-кызлар көне белән чын күңелдән тәбрик итәм. Язның тәүге бәйрәме гүзәл чәчәкләр, шат елмаюлар һәм изге теләкләр белән уралсын.
Татарларда хатын-кызларыбызга карата хөрмәт күрсәтү һәм ихтирамлы булу элек-электән килгән гадәт, чөнки яшәешебезне, тормышыбызны гүзәл затларыбыздан башка күз алдына да китереп булмый. Дөньяны ир-ат акылы алып барса, тормыш матурлыгын хатын-кыз тудыра. Хөрмәтле гүзәл затларыбыз, сез – гаилә учагының җылысын саклаучылар да, нәсел дәвамчыларыбызны тәрбияләүчеләр дә, авыр вакытларда безне юатучылар да.
Кадерле әниләребез, әбиләребез, апа-сеңелләребез, тормыш иптәшләребез, дусларыбыз, хезмәттәшләребез! Сезгә чын күңелдән саулык-сәламәтлек, күңел тынычлыгы, хатын-кыз бәхете һәм шатлык-куанычлар телим! Яз сезгә җылы кояш нурларын, ир-егетләребез йөрәк җылысын бүләк итсен, гаиләләрегездә иминлек һәм муллык хөкем сөрсен! Бәйрәм белән!
Иң изге теләкләр белән Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил ШӘЙХРАЗЫЕВ.
