Май 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Мең шөкер, дим Аллаһка,
Аяк-кулым булганга.
Эчәр өчен су биргәнгә,
Тамак төбем кипкәндә.
Якты дөнья матурлыгын
Күрер өчен күз биргән.
Күргәнемне сөйләр өчен
Минем телемне ачкан.
Гаиләм бар, Әлһәмдулиллаһ,
Гомер итәм авылда.
Ике кулымны күтәреп
Дога кылам Аллаһка.
Яфрак төшми агачтан
Аллаһым теләмәсә.
Яшәгән дәверемдә
Мин моны тоям ләсә.
Өч баладан җиде онык -
Мин ана һәм әннәкә.
Туры юлдан атларлык
Ул көчен бирә миңа.
Күтәрә алмаслык хәсрәтне
Күрсәтмә, дим Раббыма.
Бала кайгысын бирмә,
Хәвеф-хәтәрдән сакла.
Белеп һәм белми кылган
Гөнаһларымны кичер.
Җәннәтеңнән мәхрүм итмә,
Тәмуг утын күрсәтмә.
Теләгән бар теләгемне
Кабул ит, дим Раббыма.
Көчле иман, аек акылны
Бирер, ышанам Аңа!
Мәрхүм әти-әниләрне
Сөендерер Раббым Аллаһ.
Догам белән аларны
Җәннәтле итәр Аллаһ!
Сачитә Кучарова.
