Биюче Лия

Подробности

Опубликовано 09.01.2026 13:59

Просмотров: 395

Төмән өлкәсенең «Таң йолдызы» бәйгесе гала-концертында Лия Гизатуллина «Кыз биюе» белән чыгыш ясады. Җитәкчесе – әнисе Зафура Гизатуллина. Лия Аромаштан килгән. Анда авыл клубында хореография түгәрәгенә йөри. 10 яшеннән бирле күп өлкә бәйгеләрендә катнашкан Лиянең Лауреат дипломнары да шактый җыелган.Мәктәптә дә яхшы укый икән үзе, бигрәк тә әдәбият, җәмгыять белеме, инглиз теле фәннәрен ярата. Мәктәпне тәмамларга да вакыт җитәр. Аның киләчәктә сайлыйсы һөнәре дә билгеле инде: Лия хореограф булырга хыяллана. Әнисе сукмагыннан алга барачак. Татар мәдәниятен саклау-үстерүдә дә сынатмас дип ышанасы килә.

Гөлнур ВӘЛИЕВА.