Газетага язылу 

Календарь 

Июнь 2024
Дш Сш Чш Пш Җом Шм Якш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Социаль челтәрләр 

vkodteleico

Электрон почта 

Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.

Как доехать до нас 

Добраться до нас можно на автобусах маршрута:
6, 32, 34, 37, 48,  51, 65, 69, 77, 78, 135к, 135м
(остановка «Автоколонна №-1228», «Школа №-39»)

ул. Шишкова, 6, 2 этаж

Яндекс. Карта

Бәяләп бетермәслек хезмәтләр башкарган зат

последние и лучшие новости искусства в мире

Хатыйп Миңнегулов – галим, әдәбият белгече, тюрколог, әдәби тәнкыйтьче, педагог, дәреслекләр авторы, җәмәгать эшлеклесе, филология фәннәре докторы, «Казан университетының атказанган профессоры», Россия Федерациясенең (2005) һәм Татарстан Республикасының (1994) атказанган фән эшлеклесе, «Фән һәм техника өлкәсендә Татарстан Республикасы дәүләт премиясе лауреаты» (1995), Россия гуманитар фәннәр академиясе академигы.

Профессор Хатыйп Йосыф улының Төмән өлкәсе халкы алдындагы хезмәте шунда ки, ул берничә ел дәвамында Төмән дәүләт университетында татар теле һәм әдәбияты буенча дәүләт имтихан комиссиясе рәисе булып эшләде.

20-7

Матур яз көнендә 85 яшьлек юбилеен билгеләп үткән Хатыйп Миңнегуловка, аның бәяләп бетергесез хезмәте, Төмән дәүләт университетында лекцияләрдә бөтен татар бүлеге студентларына бүләк ителгән белемнәре өчен чиксез рәхмәт җиткерәсе килә. Һәр юл һәм һәр язылган сүз артында зур галим һәм укытучының бөеклеге һәм затлылыгы тора.

Профессор зур илһам һәм теләк белән мәгърифәтчелек миссиясен дә үтәде: Индрәй, Муллаш, Шыкча, Турай, Ямбай авыллары китапханәләрендә һәм мәктәпләрендә халык алдында чыгыш ясады, «Яңарыш» өлкә газетасы редакциясендә «Әдәби Төмән» иҗат берләшмәсе утырышларына йөрде. Кыска вакыт эчендә ул җирле халыкта эрудициясе, киң карашы, ныклы белеме, югары аралашу культурасы һәм толерантлыгы белән тирән хөрмәт казанды. Университет җитәкчелеге тарафыннан ел саен дәүләт имтихан комиссиясе рәисләре хөрмәтенә язгы сессия вакытында оештырылган кабул итүдә профессор Хатыйп Миңнегулов 2010 елда Төмән дәүләт университеты президенты, Россия белем бирү академиясе академигы Геннадий Шафранов-Куцевның Рәхмәт хатына лаек булды.

Хатыйп Миңнегулов татарлар тупланып яшәгән барлык төбәкләрдә һәм республикаларда яхшы билгеле, анда аның күп санлы укучылары, Казан университетын тәмамлаучылар уңышлы эшлиләр. Ул зур хөрмәт һәм абруй белән файдалана.
Безгә, аның шәкертләренә һәм бер юлдан баручыларга, хәзерге заманның бөек галименең тормыш һәм иҗат юлы яхшы таныш.

Ул өлгергәнлек аттестатын алгач, заводта, Таҗикстанның Ленинабад өлкәсенең мамык кырларында эшли. 1959 елның сентябреннән 1964 елның июнь аена кадәр Хатыйп Йосыф улы Казан дәүләт университетының тарих-филология факультетында укый. 1967 елның ноябреннән университетның (КФУ) татар әдәбияты кафедрасында укытучы булып эшли.

1972 елда кандидатлык, ә 1991 елда докторлык диссертациясен яклый. 1992 елдан Казан дәүләт университеты профессоры исемен горур йөртә.

Xатыйп Миңнегулов татар, рус, инглиз, казах һәм башка телләрдә 1500гә якын басма, шул исәптән 53 китап, 14 монография (аларның икесе авторлыкта), 4 дәреслек (5, 9, 10 сыйныфлар өчен), 10 уку һәм методик кулланма, күп кенә программалар, мәкаләләр һәм текстологик хезмәтләр авторы. Басмаларның гомуми күләме 1450 басма биттән артып китә.

Урта гасыр һәм XIX гасыр татар әдәбияты һәм аның Көнчыгыш классикасы белән үзара бәйләнеше – Хатыйп Миңнегуловның фәнни эшчәнлегенең төп өлкәсе.

Хатыйп Йосыф улы беренче тапкыр фәндә татарның Октябрьгә кадәрге әдәбиятының урта гасырлар көнчыгышының сүз сәнгате белән үзара бәйләнешен комплекслы һәм масштаблы тикшерде, бу мөнәсәбәтләрнең механизмын ачты, татар әдәбиятының формалашуында һәм үсешендә, татар халкының рухи сорауларын канәгатьләндерүдә гарәп, фарсы-таҗик һәм төрки әдәбиятларның ролен һәм әһәмиятен билгеләде. Xатыйп Миңнегулов әдәбият фәненең фәнни-теоретик проблемалары белән тыгыз бәйләнештә текстология өлкәсендә дә нәтиҗәле шөгыльләнә. Аерым алганда, фәнни комментарийлар, сүзлек һәм кереш сүз белән тәэмин итеп, ул Урта гасыр, XIX һәм XX гасыр авторларының, шулай ук чит ил татар язучыларының әсәрләрен бастыра. «Төрле еллардагы язмалар» исемле китабы урта гасырлардан безнең көннәргә кадәр төрки әдәбиятның алтын фондын үз эченә алган алты логик тәмамланган өлештән тора. Энциклопедик белемле, төрле халыкларның мәдәниятен яхшы белүче искиткеч галим Хатыйп Миңнегулов яңа китабында Көнчыгыш әдәбиятының күп жанрлары (газәл, дастан, иләһи бәет, мәдхия, мәрсия, мөнәҗәт, нәсихәтнамә, тәскирә, хаҗнамә, хикәят, хикмәт), үткән чорлар татар шигърияте классиклары турында мәкаләләр бастырып чыгарган.

Һичшиксез, галимнең рус һәм татар телләрендә язылган китаплары гуманитар факультетлар булган барлык уку йортлары студентларының белемнәрен баета. Алар илебез һәм чит ил галимнәренең алга таба әдәбият белеме тикшеренүләре өчен нигез булып тора.

Хатыйп Йосыф улы фәнгә һәм мәгарифкә зур өлеш кертә, үз юнәлешен, үз мәктәбен булдыра. Ул студентларның, аспирантларның, эзләнүчеләрнең, шулай ук хезмәттәшләренең фәнни эшенә уңышлы җитәкчелек итә, диссертацияләр яклауда, фәнни хезмәтләргә рецензия бирүдә һәм редакцияләүдә актив катнаша. Дөньякүләм танылган галим фәнни эшчәнлек белән беррәттән зур педагогик эш тә алып бара. Радио һәм телевидениедә, вакытлы матбугатта еш чыгыш ясый.

Төмән профессор Хатыйп Миңнегуловны кадерли, ярата, хөрмәт итә. 2019 елда без: Төмән дәүләт университеты һәм «Әдәби Төмән» иҗат берләшмәсе аның тууына 80 ел тулу уңаеннан «Хезмәт батырлыгы өчен» медале белән бүләкләүгә тәкъдим иттек. Татарстан Республикасы Рәисе Рөстәм Миңнехановка Себер татарларын тыңлаганы өчен рәхмәт белдерәбез.

Хатыйп Йосыф улы төрки әдәбиятлар теориясе һәм тарихы өлкәсендә иң танылган белгечләрнең берсе. Аның фәнни казанышларын югары бәялиләр, ул зур фәнни-укыту, оештыру, редакторлык, иҗтимагый эш алып бара, шул ук вакытта бик тыйнак кеше булып кала. Аның фәнни хезмәтләре дөнья төрки фәнен шактый баета.

Аның бүләкләре, дәрәҗәләре, хезмәтләре, өлкән хезмәттәшебез булуы горурлык һәм зур шатлык хисе уята. Без аңа энергиясе, фәнни яшьләрне тәрбияләү, туган татар халкына, мәдәнияткә мәхәббәте, милли үзаңны үстерү, милләтара татулыкны һәм дуслыкны ныгыту эшендә җаваплылыгы өчен рәхмәтлебез.

Хатыйп Йосыйф улы, гадәттә, якшәмбе көнне шалтырата һәм өй телефонына гына. Факультетта укыган студентлар, көндезге аспирантура аспирантлары гомерлеккә аның кайгыртуын тоеп яшәделәр. Төмәнгә шалтыратуында да, ул башта үзенең укучылары– Гөлнур Вәлиева, Рузилә Исмәгыйлова, Раиф Сабиров, Гүзәлия Муллачанова, Галия Хөснетдинова, аннары минем Максим, Гөлсинә, «Яңарыш»тагы Алсу Сәгыйтова, Люция Хәбибуллина һәм башкалар турында сораша. Хатыйп Йосыф улы даими эшли, ел саен аның яңа китаплары дөнья күрә. Ул аларны имзалый һәм дусларына җибәрә: «Олуг галимәбез Хәнисә ханым Алишинага һәм мөхтәрәм хәзрәт Хәмит әфәндегә иң изге теләкләр һәм рәхмәт хисләре белән автордан бер һәдия».

Мин чын күңелдән профессорга, Татарстан Республикасының иң грамоталы һәм белемле кешеләренең берсенә рәхмәтлемен.

Бик зур рәхмәт, хөрмәтле Хатыйп абый! Бәхетле булыгыз! Мәңге яшәгез!

Хәнисә АЛИШИНА,

Төмән дәүләт университеты профессоры.
Төмән шәһәре

Качественная укладка линолеума или как сделать правильно прикатку линолиума
#fc3424 #5835a1 #1975f2 #2fc86b #fbeac9 #eef8239 #241013141836