Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән шәһәренең актив җәмәгать эшлеклеләре «Җиңү өчен бөтен дөнья белән» акциясен башлап җибәрделәр. Бу акциядә катнашырга теләге булган һәркем хәрби операциядә катнашучы якташларга хат язып яки яшәү өчен кирәкле әйберләр сатып алып җибәрә ала. Гуманитар ярдәм белән посылкалар «Төмән-Луганск» инклюзив автоузышы вакытында адресантларга тапшырылачак.
Бу турында безгә өлкә иҗтимагый Палатасы әгъзасы, «Илһам» яшь инвалидлар төбәк иҗтимагый хәрәкәте оешмасы җитәкчесе Тимур Нигъмәтуллин хәбәр итте.
- Халыкның теләкләре белән мәгълүмат Төмән шәһәренең Николай Зелинский урамының 3 нче йортындагы «АрмСтронг» фитнес-клубында урнаштырылган баннерда куелган. Мәсәлән, Краснодон шәһәренең балаларына компрессия киемнәре, аяк тренажерлары һәм гимнастика боҗралары кирәк. Акция Төмән өлкәсенең иҗтимагый Палатасы ярдәме белән уза. Киләчәктә Төмән шәһәрендә тагын берничә мәгълүмат баннеры урнаштыру планлаштырыла. Баннерны урнаштырганчы ук беренче гаризалар үтәлгән иде инде. Бездә Луганск шәһәре инвалидлары белән хезмәттәшлек шактый нәтиҗәле бара, шулай ук Краснодон шәһәренең «Яңарыш» реабилитация үзәге белән эш алып барыла. Шуңа күрә без икеләнмичә Федераль акциягә старт бирдек, аңа Самара һәм Волгоград шәһәрләре дә кушылдылар. Шушы акцияне оештыручылар барлык теләүчеләрне кушылырга һәм Донбасста яшәүчеләргә үз ярдәмнәрен күрсәтергә чакыралар, - дип сөйләде.
Рәүфә КАНГАЗИНА.
Рәсемдә: акциядә катнашучылар.
