Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
«Тел – ананың теләге, тел ананың баласына иң кадерле бүләге», ди халык. Талымхан авылында туып-үскән Амелия Алмаз кызына – 10 яшь. Ул быел 4 нче сыйныфны тәмамлый.
Татарстан җиреннән килгән бабае Рафил Шәйхелисламовның саф татарча сөйләшүен күреп үскән кыз, туган телен әти-әнисеннән, әбиеннән дә өйрәнә. Мәктәпкә укырга кергәч, беренче укытучысы Гөлфирә Сәгыйтдиновадан ныклы белем ала. Күп укый, Габдулла Тукай, Муса Җәлил, Хәсән Туфан иҗатларын өйрәнә. Тел буенча күпсанлы тестлар үти.
Бик тырышып уку үзенең нәтиҗәләрен бирә. Амелия татар теленнән район олимпиадасында призлы урын ала, шунлыктан аны өлкә олимпиадасына да чакыралар. Ә монда инде укучы кыз беренче урынны яулый.
Амелия җырларга, биергә, рәсем ясарга, төрле материаллар белән эшләргә дә ярата. 6 нчы класста укучы абыйсы Адель белән төрле бәйгеләрдә катнашалар.
Шәйхелисламовларның яшь гаиләсендә май аенда тагын бер кызлары дөньяга килә. Аллаһы боерса, ул да апасы һәм абыйсы шикелле бабайлары Шамил Сәйфулла улы нигез салган матур һәм якты ремонтланган мәктәпкә кереп, белем алыр, Шәйхелисламовлар гаиләсен Гаилә елы һәм Балаларны яклау көне белән тәбрик итәм.
Рәйсә РӘХИМОВА,
Төмән районы, Талымхан авылы.
