Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
1 июнь көнне Ялутор районы, Аслана татар мәдәнияте үзәге территориясендә, мәдәният үзәгенең һәм күчмә мәдәният комплексы хезмәткәрләре тырышлыгы белән Балаларны яклау көненә багышланган зур бәйрәм программасы узды.Оештыручыларның бердәм командасы балаларга, ата-аналарга һәм барлык авылдашларына чын бәйрәм булдырырга тырыштылар. Биредә алар төрле бәйге-ярышлар, викториналар, уеннар үткәреп, бергәләп күңелле җырлар башкарып, биеп күңелле ял иттеләр.
Балаларга бәйрәм кәефе булдырып, үз инициативасы белән, авылдашлары Илшат Бакиевның гаиләсе чын сюрприз ясады. Күңелле уеннар һәм конкурслардан соң барысын да мәчет ашханәсенә чакырдылар, анда бәйрәм табыны әзерләнгән иде. Балалар өстәлдәге җиләк-җимеш, тәм-томнар, соклар муллыгына шатландылар, тәмле, пиццаны рәхәтләнеп ашадылар. Моннан тыш, беренче булып Коръән сүрәләрен яттан сөйләгәннәргә авылдашлары, филология фәннәре кандидаты, җырчы, шагыйрә Мөнирә Хөснетдинова шоколадлар өләште.
Әлеге бәйрәмне оештыручыларның берсе - күчмә мәдәният комплексы җитәкчесе Ильяс Бакиев матди ярдәм күрсәткән якташларына рәхмәт белдереп: «Илшат Бакиев гаиләсенә, Мөнирә ханым һәм тормыш иптәше Реваль Хөснетдиновларга игелекле эшләре, туган авылларына булган көчле мәхәббәтләре, актив тормыш позицияләре өчен баш иябез. Алар оештырган бәйрәм сыйлары балаларның күңелләрендә озак сакланачак. Шулай ук мәчет, мәктәп хезмәткәрләренә, гомумән, бәйрәмне әзерләүдә һәм үткәрүдә катнашы булган авылдашларга зур рәхмәтебезне белдерәбез, барысына да сәламәтлек, гаилә иминлеге телибез», - диде.
Рәүфә КАНГАЗИНА.
