Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Гаилә елы кысаларында Аслана күчмә мәдәният комплексы хезмәткәрләре төрле буыннарны берләштерүгә юнәлдерелгән «Зур гаилә ял көннәре» Бөтенроссия проектына кушылып, фотоконкурс игълан иткәннәр иде. Бу көннәрдә нәтиҗә ясадылар. Халык тавыш бирү нәтиҗәләре буенча «Зур гаилә ял көннәре» фотоконкурсында күп балалы Тузмөхәммәтовлар гаиләсе җиңде. Бу турыда күчмә мәдәният комплексы җитәкчесе Ильяс Бакиев безгә:
«Безнең проектта катнашучыларның барысына да рәхмәт белдерәбез. Фотоконкурста җиңүчеләребез - Рузилә һәм Рамил Тузмөхәммәтовларның гаилә корып яшәүләренә 11 ел инде. Алар безнең гаилә чараларында даими катнашалар. Бер-берсенә хөрмәт белән караган, яшьлек мәхәббәтләрен бүгенге көнгә хәтле саклап, үзара тату яшәүче гаилә башлыклары балаларына кечкенәдән үк гаиләгә ихтирам тәрбиялиләр. Яшь гаилә башлыгы Рамил Рауфат улы төзелештә эшли, ял көннәрендә балык тотарга ярата. Ул бик игътибарлы, кайгыртучан әти һәм тормыш иптәше. Гаилә учагын саклаучы Рузилә Шамил кызы актив тормыш позицияле хатын-кыз. Ул онлайн рәвештә эшли, балаларын тәрбияләү, яшерен сәләтләрен ачу, ял көннәрен файдалы уздыру, чыныктыруга бар көчен куя. Аның хоббисы - чәчәкләр үстерү. Тузмөхәммәтовларның ике кызлары мәктәпкә, кече Жасмин балалар бакчасына йөри. Аларның һәрберсенең яраткан шөгыле бар. Кызлар гимнастика белән шөгыльләнәләр, сәнгать түгәрәгенә йөриләр, рәсем ясарга яраталар. Рамил белән Рузилә кызларына шундый матур исемнәр кушканнар - Эмилия, Самира, Жасмин. Без Тузмөхәммәтовларны искиткеч җиңүләре белән котлыйбыз, чөнки һәр танылу - ул һәрвакыт мөһим һәм әһәмиятле! Аларның гаилә ял көннәре һәрвакыт күңелле, кызык һәм онытылмаслык үтсен», - дип хәбәр итте.
Рәүфә КАНГАЗИНА.
