«Ел гаиләсе» конкурсы җиңүчеләре билгеләнде

Подробности

Опубликовано 02.07.2026 17:14

Просмотров: 110

Россия көнендә Тубыл округы Загваздино авылының мәдәният йортында «Ел гаиләсе» конкурсының төбәк этабы җиңүчеләрен билгеләделәр һәм яшь гражданнарга беренче паспортларын тапшырдылар. Район мәдәният йорты мәйданында Россия көненә багышланган бәйрәм чаралары узды. Алар Төмән өлкәсенең Загваздина муниципаль округында «Гаилә» милли проектын гамәлгә ашыру буенча системалы эшнең мөһим өлеше булды. Бу милли проект традицион кыйммәтләрне саклауга һәм ныгытуга, гаилә институтын яклауга, яшь буынны патриотизм һәм гражданлык җаваплылыгы рухында тәрбияләүгә юнәлдерелгән.

Округ бәйрәмендә Тубыл округы башлыгы Андрей Ходосевич гаиләләрне бүләкләде. Алар мәхәббәт һәм тугрылык үрнәге генә түгел, ә өлкә конкурсында чын гаилә кыйммәтләре һәм буыннарны берләштерүче гореф-гадәтләр турында сөйләделәр, балалар тәрбияләү һәм дәү әти-дәү әниләрне кайгырту тәҗрибәләре белән уртаклаштылар. Мондый чараларда гаиләләрнең катнашуы милли проект бурычларын тормышка ашыруның ачык мисалы булды, анда ата-аналар балалар белән, әбиләр оныклары белән бәйрәм атмосферасына чумдылар. 2026 елда конкурска 157 гариза бирелгән, төбәк этабына 72 гаилә үткән.

Тубыл округы гаиләләре түбәндәге номинацияләрдә призлы урыннар яуладылар:

- «Алтын гаилә» – Байкаловодан Зевакиннар, Надцыдан Чолаклар һәм Булашоводан Ростовщиковлар гаиләләре;
- «Күп балалы гаилә» – Прииртышскийдан Мокровлар гаиләсе;
- «Авыл гаиләсе» – Ворогушинодан Шульманнар гаиләсе;
- «Ватанны саклаучы гаилә» – Лайтамактан Рябиковлар гаиләсе;
- «Традицияләр саклаучы гаилә» – Хуҗайланнан Тимкановлар гаиләсе.

Шулай ук бәйрәм тантанасы барышында округ башлыгы яшь Россия гражданнарына – Данияр Алемасовка, Арина Павловага, Дарина Павловага, Юлия Рябковага, Полина Савчицкага, Ильяс Сайфуллинга һәм Максим Хоревка – беренче паспортларын тапшырды.

Бәйрәмне мәдәният йорты артистларының чыгышлары бизәде. Тамашачылар якты, кызыклы номерлар күрделәр, ә балалар хоры Россия турында җырлар башкарды. Зал яшь артистларны көчле алкышлар белән каршы алды.

Загваздинада узган бәйрәм округ халкын берләштерде һәм тагын бер тапкыр искәртте: Россия үз халкы, аларның бердәмлеге һәм якыннары турында кайгыртуы белән көчле.

Шулай итеп, бәйрәм чаралары Россия көнен бәйрәм итүгә генә түгел, ә округта «Гаилә» милли проектын тормышка ашыруның нәтиҗәле коралына да әверелде.

«Тубыл округы хәбәрләре» төркеменнән.
Тубыл муниципаль округы рәсемнәре.
(Ләйлә МАДЬЯРОВА тәрҗемәсе).