Яшь буынга үрнәк гаилә

Подробности

Опубликовано 02.07.2026 17:07

Просмотров: 101

Тормышта вакыт узган саен кагыйдәләр үзгәрә, ләкин элек - электән килгән, олы буын яшьләр өчен үрнәк.

Бигрәк тә - балалар, оныклар әби-бабаларына, әти-әниләренә охшарга тырышалар.

Мин Төмән округы, Ямбай авылында туып, шунда эшләп, ике улларын үстергән Әлфия апа белән Хәлил абый Яминовлар турында язасым килә.

1976 елның 5 нче июлендә Гәләүтдин абый һәм Рауза апа гаиләсенә Сания апа һәм Сәит абый Шәриповларның кызлары Әлфия апа килен булып төшә.

Быел алар «Алтын туйларын» бәйрәм итәләр!

Бу илле ел эчендә Хәлил абый «Сибнефтемаш» заводын да эшләп ялга чыга, ә Әлфия апа күп вакытын Ямбай урта мәктәбендә лаборант булып эшләп, соңгы вакытта Себер татарлары музеенда музей фондын саклаучы вазифасын башкара.

Хәзерге көндә уллары Марсель, Рафаэль, киленнәре Гүзәл, Луиза дүрт оныклары: Фәрхәт, Аделина, Радмил һәм Милана белән үзләре салган йортларда яшиләр.

Тормыш булгач төрлечә булырга мөмкин, ләкин бу гаилә матур гомер үткәрә. Ике яктан да туганнарына, дусларына, авылдашларына шатлыкта да, кайгы килсә дә алар терәк.

Әлфия апа аш-су остасы, бәйрәмнәргә әзерлек ансыз үтми. Киленнәре дә үзенә охшаган.

Кайнана, кайнаталарын кадерләп бакыйга озаталар, искә алу мәҗлесләрен үткәреп торалар. Балалары, киленнәре, оныклары күреп ярдәм итеп яшиләр.

Бәхетле тормыш шундый гаиләләрдә була!

Клара Гайдельшинова,
Яркәү округы, Кызылъяр авылы.
Рәсемдә: Яминовлар.