Чөнки ул авылларда Аслана татар мәдәният үзәге һәм күчмә мәдәният комплексы хезмәткәрләре " Төмән көзе" фестиваленә кушылып, матур концертлар, төрле күңел ачу программалары, ярыш-бәйгеләр оештыралар. Мәсәлән, Бумаер авылында алар Аслана урта мәктәбе укытучылары белән "Көзге әйлән-бәйлән" бәйгесе, "Көзге юанычлар" уен программасы үткәрделәр. Биредә катнашучылар көз айлары сынамышларын искә төшереп, табышмакларга җавап биреп, төрле кызыклы бәйгеләрдә теләп катнаштылар.
Шулай ук мәдәният хезмәткәрләре беренче тапкыр сайлауда катнашучы игезәкләр - Рузилә белән Рузил Галиевлар һәм Рәүф Садыйковны котлап, дипломнар, бүләкләр тапшырдылар.
Рәүфә КАНГАЗИНА