Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Вагай мәдәният сараенда Россия Герое Рөстәм Сәйфуллин һәм Вагай районы башлыгы Сергей Сидоренко Вагай районында Геройлар елын һәм Ватанны саклаучылар елын тантаналы рәвештә ачтылар.
Чарада Тубыл кунаклары – чик сакчылары ветераннары Хәсән һәм Хөсәен Арангуловлар да катнаштылар. Рөстәм Гали улы Батырлык дәресе үткәрде. «Армия легендалары - Рөстәм Сәйфуллин» фильмы күрсәтелде.
Рөстәм Гали улы тумышы белән Вагай авылыннан. 2000 нче елны мәктәпне тәмамлап, Төмән югары хәрби-инженерлык училищесына укырга кереп, алтын медаль белән тәмамлый. Чечняда һәм Төньяк Осетиядә, Грузиядә тынычлык урнаштыру миссиясендә хәрби хезмәтләрдә катнаша.
2019 елда М.В.Фрунзе исемендәге РФ Коры җир гаскәрләренең гомуми гаскәр академиясе югары уку йортын яхшы билгеләргә тәмамлый. Аннары туган ягына – Ишимга гарнизон начальнигы булып кайта. Шуннан махсус хәрби операциягә китә. Март аенда яралана. Сәламәтләнеп тагын частенә кайта. Икенче тапкыр артиллерия утына эләгеп, каты яраланса да, сугышуын дәвам итә. Батырлыгы өчен 2022 елда Россия Герое исеме бирелә.
Рөстәм Сәйфуллин волонтерлар белән очрашканда шуларны сөйләде, сорауларга җавап бирде. Арангуловлар сәхнәдә җырладылар. Аннары бергәләшеп фоторәсемгә төштек.
Геройларыбызга зур рәхмәт, исән-имин булсыннар.
Тания АЙБАТОВА,
Вагай районы, Индәр авылы.
