Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Кадерле милләттәшләр, хөрмәтле дуслар!
Бөтендөнья татар конгрессының Милли Шурасы исеменнән һәм шәхсән үз исемемнән барыгызны да Халыклар бердәмлеге көне белән тәбрик итәм.
Бүгенге көндә илебездә бер-берсен хөрмәт итеп һәм аңлашып 190нан артык төрле милләт вәкилләре яши. Һәр халыкның үз теле, тарихы, үзенчәлекле мәдәнияте, гореф-гадәтләре бар. Халыклар бердәмлеге көне шушы санап үтелгән рухи кыйммәтләребезгә карата үзара ихтирам, хөрмәт күрсәтү уңаеннан елдан-ел киңрәк масштабларда уздырылып килә.
Бердәмлекнең асылы соңгы вакытлардагы вәзгыятьтә аеруча да нык сизелә, чөнки без Россиянең кайсы гына өлкә-республикаларында, шәһәр-авылларында яшәсәк тә, безне уртак максатлар берләштерә. Без Ватаныбыз иминлеге, бүгенге яшәеш, яшь буынның якты киләчәге өчен тырышабыз. Әлеге патриотизм һәм гражданлык, ирек һәм гаделлеккә омтылу традицияләре безнең өчен ышанычлы рухи кыйбла булып хезмәт итә. Шунысы шатландыра, халыкара мәйданда татарларның да бердәмлекне ныгытуга, хезмәттәшлекне үстерүгә керткән өлеше бихисап зур урынны били.
Кадерле дуслар, әлеге бәйрәм уңаеннан барыгызга да саулык-сәламәтлек, имин көннәр һәм эшләрегездә уңышлар телим. Илебез тыныч, күгебез һәрвакытта да аяз булсын. Россиябезнең якты киләчәге өчен бүгенге вәзгыятьтә илебез Президенты В.Путин янында тагын да ныграк берләшик. Барыгызны да Халыклар бердәмлеге көне белән!
Ихтирам белән Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил ШӘЙХРАЗЫЕВ.
