Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Сентябрь аеннан алып Тугыз урта мәктәбендә «Талант» (җитәкчесе Зөлхәйдә Сәйдуллина) исемле хор түгәрәге эшли башлады. Хорга 30 бала йөри, репертуарыбызда патриотик, шулай ук туган якның матурлыгы һәм гүзәллеге турында җырлар күп. Балалар концертларда катнашалар, махсус хәрби операциядән ялга кайткан солдатларны җыр белән каршы алырга чыгалар, аларсыз авылда бер чара да үтми.
Үткән ел ахырында район күләмендә узган мәктәп хорлары арасындагы ярышта безнең балалар өченче урынны яуладылар һәм региональ турга чыктылар. Ел бетүгә ике көн калганда региональ ярышның нәтиҗәсе килде. Бу юлы да фортуна балаларга елмайды, тагын өченче урын ияләре булып чыктылар.
Хәзер безне мәктәп хорлары арасында Бөтенроссия бәйгесенә чакырдылар, без юлламабызны җибәрдек.
Январь аенда бу уңышлары өчен мәктәп җитәкчеләре балаларга район үзәгенә барырга рөхсәт бирделәр һәм мәктәп автобусы белән «По щучьему велению» исемле кинофильмны карарга җибәрделәр. Шатлыгыбызның иге-чиге булмады, юл буе җырлап бардык, җырлап кайттык. Балаларга зур уңышлар телим!
Зөлхәйдә СӘЙДУЛЛИНА, Вагай районы, Тугыз авылы.
