Февраль 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
18 февральдә, кояш баеганнан соң, Рамазан-шәриф ае керә. Моңа бәйле рәвештә, Россия Федерациясе мөселманнары диния нәзарәтенең голәмәләр шурасы тарафыннан фитыр садакасы, фидия һәм нисаб күләме буенча карарлар кабул ителде.
Фитыр садакасының аз керемлеләр өчен күләме – 250 сум, уртача хәллеләргә – 800 сум, зәкят чыгарырлык байлыгы булган кешеләргә – 1300 сум. Моннан тыш, сәламәтлеккә бәйле рәвештә ураза тоту мөмкинлегенә ия булмаган һәм аны башка вакытта да, каза кылып, үти алмаучыларга тотылмый калган һәр көн өчен 400 сум күләмендә фидия билгеләнде.
Еллык мәҗбүри зәкят түләү өчен нисаб күләме - 977 500 сум.
Рамазан уразасы 19 нчы февраль көнне (пәнҗешәмбе) тотыла башлый. Беренче тәравих намазы 18 февральдә ястү намазыннан соң укыла. Кадер кичәсе – 16 мартта.
Быел ураза 29 көн тотыла. Уразаның соңгы көне – 19 мартта. Ураза бәйрәме быел 20 мартка – җомгага туры килә.
РФ мөселман дини идарәсе төркемендәге язманы файдаланып әзерләнде.
