Май 2022 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
«Бүгенге көндә Төмән өлкәсендә 408 «Ана даны» медале иясе һәм «Ата батырлыгы» медале белән бүләкләнгән 106 кеше яши. Ныклы тату гаилә төзү - катлаулы хезмәт. Җаваплы ата-аналарның ачык мисалы буларак, гаилә кыйммәтләрен һәм гореф-гадәтләрен ныгыту, балаларны тәрбияләүдә ирешкән уңышларыгыз өчен барыгызга да рәхмәт белдерәм! » - дип билгеләп үтте губернатор Александр Моор.
Аның карары белән балаларны тәрбияләүдә, гаилә кыйммәтләрен саклауда һәм торгызуда күрсәткән хезмәтләре өчен «Ана даны» медале һәм «Ата батырлыгы» медале белән Яркәү районында яшәүче күп балалы Эльза һәм Маннур Абдразаковлар гаиләсе бүләкләнде.
Эльза Зәйнулла кызы һәм Мансур Рафаил улы җиде балага тәрбия бирәләр. Абдразаковлар - актив, тату, спорт сөюче гаилә. Ел саен алар гаилә спорт бәйрәмнәрендә, балалар бакчасы һәм мәктәп тормышында актив катнашканнары, балаларны яхшы тәрбияләгән өчен, балаларга музыкаль тәрбия бирүдә актив хезмәттәшлек иткән һәм Яркәү балалар музыка мәктәбе тормышында актив катнашканнары өчен Рәхмәт хатлары белән бүләкләнәләр.
Шулай ук бүләкләнүчеләр исемлегендә Вагай районыннан күп балалы Гөлфия һәм Зиннур Мөхәммәтрәхимовлар да бар.
Алар биш бала үстерәләр. Гөлфия Чәнкәрәй кызы - талантлы кеше, өлкә, район һәм авыл мәдәни-массакүләм чараларында актив катнашучы, кайгыртучан һәм яраткан ана. Зиннур Таштимер улы иҗади шәхес кенә түгел, ә уңган хуҗа да. Ирле-хатынлы Мөхәммәтрәхимовлар балалары белән бергә шәхси хуҗалык та алып баралар. Гаиләдә бәхетле була алган кеше - иң бәхетле кеше, дип саный Мөхәммәтрәхимовлар гаиләсе.
Яркәү районыннан күп балалы Әлфинә һәм Тимерхан Мөхәммәтшиннарның гаиләсе дә шундый ук бүләкләргә ия булдылар. Аларның гаиләсендә биш бала үсә, бик тату, барлык эшләрдә дә алар бер-берсе белән янәшә: авыл мәчетен төзүдә булышалар, мәктәп эшләрендә, гаиләләре белән авыл һәм район спорт ярышларында катнашалар. Мөхәммәтшиннар гаиләсе балаларны тәрбияләү һәм актив тормыш позициясе алып барулары өчен мәгариф учреждениеләренең күп кенә Рәхмәт хатлары белән бүләкләнгәннәр.
Ләйлә МАДЬЯРОВА