Март 2023 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Ришат Төхвәтуллинның сөйгәне Алия Карачуринага тәкъдим ясавы турында «Интертат» язган иде.
Бүген татар эстрадасындагы иң популяр буйдак Ришат Төхвәтуллин үзенең статусын югалтты – Алия Карачуринага тәкъдим ясады. Ришат белән Алиянең очрашып йөрүләре турында имеш-мимешләр күп булды, Алия үзенең Ришатка битараф булмавын сиздергәне дә булды, аларның очрашып йөрүләрен дәлилләгән вакыйгалар да булгалап торды. Әмма чынлап торып кавышуга адым әле генә булды.
Алия Карачурина: «Ришат Төхвәтуллин кияүгә алса, әлбәттә, чыгачакмын»
Бу вакыйга Ришатның туган көнендә булган. «Интертат» моның ничек булганын Алиядән сорап белеште.
Ришат Төхвәтуллин өйләнә!
«Көтмәдем дә, белмәдем дә! Ришат каушаганын да сиздермәде. Аның сеңлесе Айгөл барысын да белгән, тик ул да миңа бер сүз әйтмәде, сиздермәде. Зур сюрприз булды бу! Миңа: «Я туган көнендә, я 8 Март бәйрәмендә тәкъдим ясар», – дигәннәр иде. Әмма мин көтми идем. Мин дә еладым, Ришатның да күзләрендә яшьләр күренде», – дип сөйләде Алия «Интертат» журналистына.
Җырчы сүзләренчә, әти-әниләргә бу хәбәрне көнендә үк хәбәр итмәгәннәр. «Үзләрен күреп әйтәсебез килде. Башта Ришатларга кайттык, аларга әйттек. Аннан соң минекеләргә киттек. Әтием генә өйдә юк иде, аңа телефон аша хәбәр иттек. Әтием, тыела алмады, шатлыгыннан елады. Ике як та бик шат!» – ди ул.
Алия күз тиюләргә ышана, ләкин бары тик позитив уйлар белән яшәргә тырыша. «Бик сөйлисе дә килми, тик сер итеп саклап та булмый», – ди Алия «Интертат»ка.
Интертат