Бер рәсем тарихыннан

Подробности

Опубликовано 22.07.2022 06:00

Просмотров: 246

Бу рәсемдә Бөек Ватан сугышыннан соң Вагай районы, Тубысы авылы башлангыч мәктәбендә укыган сугыш чоры балалары. 50ләгән укучы үзләренең укытучылары Айникамал апа Раимгулова һәм Мәрҗән апа Алимова белән төшкән. Бу фоторәсемне төшерүче Татар Вагай авылында яшәгән укытучы, фашист концлагерьларында булган Бәдретдин абый Хәбибуллин (урыны оҗмахта булсын).

Исән-сау яшәгән кешеләр үзләренең якыннарын танырлар һәм аларның бала чакларын хәзерге тормыш белән чагыштырып гыйбрәт алып яшәсеннәр иде. Үткәннәрне искә алмый торып, хәзерге тыныч тормышның тәмен татып яшәп булмый. Рәсем Рәшидә апа һәм Рифхәт абый (мәрхүм) архивыннан.

Рәшидә БАКИЕВА, ветеран-укытучы.
Тубыл районы, Маслау авылы