Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тубыл районы, Хуҗайлан авылында сайлаулар 3 көнгә сузылган зур бер бәйрәмгә әйләнде. 178 сайлаучы арасында 94 яшьлек Кафия Хәмидулла кызы Зәнкиева сайлау пунктына үзе килеп, беренчеләр рәтендә Дәүләт Думасы һәм өлкә Думасы депутатларына тавыш бирде. Ул әле лотерея уенында катнашып, электр чәйнеге дә отты. Шулай ук, бу көнне Илнар Тимканов белән Гөлназ Айнулина беренче мәртәбә гражданлык хокугы белән кулланып, үзләренең политик позицияләрен билгеләделәр. Бу җаваплы адымнар белән котлап, аларга диплом тапшырылды.
“Төмән көзе” фестивале кысаларында матур концерт, «Көзге уңышлар» күргәзмә-бәйгесе, спорт ярышлары һәм бик күп төрле чаралар оештырылды. Бу турыда безгә сайлауларда күзәтүче вазифасын башкарган һәм спорт уеннары өчен җавап биргән туган тел һәм физкультура дәресләре укытучысы Тәнзилә Тимканова сөйләде. “Көннәр ямьсез булуга карамастан, авылдашлар илебез куйган бурычка бик җитди карап, бик актив булдылар. Викторина сорауларына дөрес җавап биреп кыйммәтле бүләкләр - электр ит тарткычы, утюг, тостер, фен кебек әйберләр оттылар. Зурлар белән бер рәттә укучылар мәдәни, спорт чаралары, викторина, мастер-классларда бик теләп катнаштылар. Көнозын яңгыр явып тору сәбәпле, чараларны мәктәп бинасында уздырырга туры килде. Бу уңайсызлыкларга карамыйча, һәркем күтәренке кәеф, рухи байлык, көчле энергия алып таралдылар. Тубыл районы мәдәният йорты артистлары куйган ямьле концертны да халык бик яратып карады”, - диде ул.
Рәүфә КАНГАЗИНА
