Октябрь 2020 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
15 октябрьдә Вагай районының Агытбаш авыл җирлегенең Картавыл авылында яшәүче Кулсахирә Нияз кызы Сәгыйтуллинага 90 яшь тулды. Ул Бөек Ватан сугышының һәм сугыштан соңгы елларның кырыс сынауларын кичергән буын вәкиле.
Кулсахирә Нияз кызы күп балалы колхозчылар гаиләсендә туа. Җиде бала арасында кечкенәсе булган. Ул сугыш елларын яхшы хәтерли, сугыш башланганда аңа унберенче яшь була. Дүрт абыйсы фронтка китә, икесе генә әйләнеп кайта. Әтисе авырудан үлә, әнисе аларны берүзе үстерә. Укырга туры килми, өлкән апасы белән бергә ул өйдә әнисенә ярдәм итә. Алар күп мал-туар асрыйлар, яшелчә, бәрәңге утырталар.
Барлык сугыш чоры балалары кебек үк, Кулсахирә Сәгыйтуллина да балачактан «Заря» балыкчылык колхозында эшли башлый. Сугыштан соң кияүгә чыгып, җиде балага гомер бүләк итә. Балалар төрле якларга таралышканнар инде, кызганычка каршы, ике уллары вафат булган. Уллары һәм дүрт кызы хәзерге вакытта гаилә бәхетләренә куанып, эшләрен дәвам итәләр һәм әниләрен уңышлары белән куандыралар. Ире үлгәч, Кулсахирә Нияз кызы улы гаиләсендә яши. Бүген аның 13 оныгы һәм 24 оныкчыгы бар.
Ул - хезмәт ветераны. «Ана даны» медале белән бүләкләнгән. Хәзер инде сәламәтлеге сыната, өйдән чыгып йөрүләр дә авырлашкан. Балалары еш киләләр, булышалар, ветеран игътибар, мәхәббәт белән яши.
Фатыйма ВАБИЕВА, Вагай авылы.
(Гөлнур ВӘЛИЕВА тәрҗемәсе).