Август 2022 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Бу көннәрдә Тубыл шәһәрендә узган «Искер җыены» халыкара фестивалендә Диана Алиева «Бер алманы бишкә бүләек» җырын башкарып, 1 дәрәҗәдәге диплом белән бүләкләнде. Һәм гала-концертта чыгыш ясау бәхетенә иреште. Гомумән, 2022 нче ел Диана Әмир кызы өчен бик уңышлы булды. Чөнки февраль аенда ул «Яшь Россия» патриотик җыр район бәйгесендә катнашып, 2 нче урын алды. Ә март аенда узган «Халык сәнгате-2022» өлкә үзешчән сәнгать иҗаты конкурсының халык вокалы номинациясендә 1 дәрәҗәдәге лауреат дипломы белән бүләкләнде. Шуны да искәртеп үтәргә кирәк: узган ел Тубылда үткән «Себер сандугачы» өлкә бәйгесендә Диана 3 нче дәрәҗәдәге лауреат дипломына лаек булган иде.
Өлкә, район һәм халыкара бәйгеләр конкурсанты Диана Әмир кызы Ялутор районы, Яңа Атъял авылында туып-үсеп, бүгенге көндә авыл китапханәсендә китапханәче булып эшли. 2012 нче елда ул авыл урта мәктәбен тәмамлап, Ялутор шәһәрендә Төмән нефть һәм газ университеты филиалында җәмәгать туклану технологы һөнәре буенча белем алып чыга. Диана үзе белән таныштырып: «Мин зур һәм тату гаиләдә үстем. Әти-әнием безне балачактан хезмәткә өйрәтеп, гореф-гадәтләрне сакларга, туган телебезне хөрмәт итәргә, татар мәдәниятенә мәхәббәт тәрбияләп үстерделәр. Мин балачактан җырлыйм. Авылда, мәктәптә узган чара-концертларда гел катнашып тордым. 2014 нче елда Төмән шәһәрендә узган «Себер йолдызы» өлкә балалар конкурсында җиңеп, шулай ук гала-концертта катнашырга насыйп булды. Бүгенге көндә һәр эшемдә әти-әнием, тормыш иптәшем, ике улым, авылдашларым, дусларым ярдәм итеп, теләктәшлек белдерәләр. Аларга рәхмәтем бик зур», - дип сөйләде.
Рәүфә КАНГАЗИНА