Апрель 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
18 нче мартта Россиянең Кырым ярымутравы белән кушылуын билгеләп үтәбез. Кырымда элек-электән төрле милләт вәкилләре яшәгән. Бүген дә монда халык тату яши. Төрле милләт вәкилләре ярымутрауда үзләренең йогынтысын калдыра. Бу милли ашларның үзенчәлегенә дә үзгәрешләр кертә, баета. Кабатланмас төрлелеге белән аерылып торган Кырымның милли ашлары буенча Тубыл шәһәренең балигъ булмаганнар өчен социаль–тернәкләндерү үзәгендә чара үтте. Монда карантин булу сәбәпле, читтән килүчеләр чарада катнаша алмадылар. Узган бәйрәм турында социаль–тернәкләндерү үзәгенең көндезге бүлек мөдире Гөлназ Макс кызы Авазбакиева сөйләде:
- “Кырым язы” чаралары кысаларында ”Кырым кухнясы”ның төрлелеген, аның үзенчәлеге турында балаларга сөйләп, алар белән милли ризыклар буенча мастер–класс үткәрдек. Төрле яшьтәге балалар мәгълүматны кызыксынып тыңладылар. Бу чараны хезмәт дәресләрен алып баручы инструктор Анжела Горшкова үткәрде. Аннан соң балалар “Кырым салатын” әзерләү буенча мастер-класста теләп катнаштылар. Дәрес балаларда эстетик тәрбия аша кулинар сәләтләрен төрле яклап үстерергә, хезмәт осталыкларын һәм күнекмәләрен формалаштыруга, балаларның алган белемнәрен практикада кулланырга юнәлдерелгән иде”, - диде ул.
Римма УМИТБАЕВА.