Апрель 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тубыл елгасында боз кузгалырга торган көннәрдә Ялутор районы, Аслана мәдәният йорты хезмәткәрләре (җитәкчесе Илчан Хөснетдинов) боз озату бәйрәмен яңадан гамәлгә кайтару максаты белән Кактамак һәм Калмаклар авыллары халкы өчен бәйрәм оештырдылар. Кунаклар килеп җиткәнче алар яр буен бизәп, музыка аппаратураларын урнаштырдылар. Кактамак мәдәният йорты җитәкчесе Ильмира Гарипова табын әзерләп, чәен кайнатты, бәйрәм боткасы пешерде. Халыкны ветераннар советы оешмасы рәисе Зәйтүнә Мирхәлилова сәламләп: “Борынгы ата-бабаларыбыз елгалардагы бозлар белән бергә авырулар, бәла-казалар да агып китә, дип ышанганнар.
Табигатьнең язгы яңарышы яңа өметләр, яңа уңышлар вәгъдә иткән, һәм халык, бу көнне көтеп алып, боз шытырдавын ишетү белән елга буенда җыелган, җырлап-биеп, милли уеннар уйнап боз озаткан, язны каршылаган”, - дип сөйләде. Аннары теләкләр теләп вак акчалар ташладылар. Бәйрәмнең төп өлешендә Аслана мәдәният хезмәткәрләре төрле уен-бәйгеләр оештырдылар, җиңүчеләргә бүләкләр өләштеләр. Бәйрәмгә ямь өстәп “Умырзая” җыр төркеме, Юлдаш Кәбиров күңелле, дәртле җырлар башкардылар. Аннары күңел ачып арыган халыкны табынга чакырып бәйрәм боткасы белән сыйладылар. (Мәкаләнең тулы вариантын “Яңарыш”ның киләсе саннарында укырга була).
Рәүфә КАНГАЗИНА.
Калмакларда “Боз озату” бәйрәме узды