Июнь 2018 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Түбән Тәүде районында эре тауарлы предприятие беренче булып бөртекле һәм кузаклы культураларны чәчүне тәмамлады. Хуҗалык җитәкчесе Морат Сирачев әйтүенчә, 655 гектар җирдә 30 га арпа, 100 га борчак чәчелгән, калган мәйданда - “Новосибирская-31” сортындагы бодай. Чәчүдә 7 кеше катнашкан, сирәк коры көннәрне файдаланып, алар ике смена эшләгәннәр. Хуҗалык былтыргы бодайның килограммын 6 сумнан реальләштергән. Игеннең барысын да диярлек Төмән эшкуарлары сатып алалар.
Биш тракторчы: Фәнис Кәримов, Ринат Нәврүзов, Мөхәммәтша Гайнетдинов, Наил Галеев, Салих Калбаев, машина йөртүчеләр – Рушан Закиров, Аслан Кәримов хезмәтне башкарганнар. Мәсәлән, 24 яшьлек Салих Калбаев (рәсемдә) Түбән Тәүдедә һөнәр колледжында укып чыгып, хәзерге көндә чәчү вакытында тракторда эшли, урып-җыю чорында комбайнга күчә. Җитәкче Морат Барый улы Салих Сабит улын бик мактый. Өйләнгән, әлегә тормыш иптәше белән әнисендә яшиләр, үзләренә яңа йорт төзиләр. Кура тулы терлек асрыйлар.
23 июньдә Түбән Тәүдедә үткән өлкә сабантуенда район хакимияте башлыгы Валерий Борисов алдынгы авыл хуҗалыгы хезмәткәрләрен: Салих Галеев, Мансур Калбаев, Ренат Наврузов, Морат Сирачев, Наил Галеев, Рәис Бәхтеевларны Мактау грамотасы белән бүләкләде.
Рәхимҗан МУЛЛАКОВ,
Түбән Тәүде районы, Эске авылы.