Июль 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
22 июнь — Хәтер һәм кайгы көне, Бөек Ватан сугышы башланган көн. Бу көнне 1941 елда нацистлар Германиясе сугыш игълан итмичә Советлар Союзына һөҗүм итте, 1418 көн һәм төн дәвам иткән сугыш башланды, ул якынча 27 миллион кешенең гомерен өзде.
Ел саен 22 июньдә без һәйкәлләргә һәм мемориалларга киләбез. Без шулай тиеш булганга гына түгел, ә халык хәтереннән сызып ташлап булмый торган даталар булганга киләбез. Төмән округының авылларыннан фронтка 7 меңнән артык кеше киткән, ә аларның өйләренә яртысыннан кимрәге кайткан. Күпчелек сугышчылар туган йортларын да күрмәгәннәр, якыннарын да кочакламаганнар, ләкин нәкъ менә аларның батырлыгы, ныклыгы һәм Ватанга мәхәббәте аркасында без бүген яшибез, үсәбез һәм хыялланабыз.
Хәтер һәм кайгы көнендә Төмән округының барлык торак пунктларында диярлек тантаналы митинглар уза.
Бу көнне Шыкча авылында ветераннар һәм өлкән буын вәкилләре, махсус хәрби операциядә катнашучылар һәм аларның гаиләләре, укучылар, «Беренчеләр хәрәкәте» активистлары, Җиңү волонтерлары, авылның битараф булмаган халкы һәм мәртәбәле кунаклары җыелды.
Бу авылда сугыш турында истәлекнең үз исемнәре һәм йөзләре бар. Шуларның берсе — Хәбибулла Якин. Фронтовик, Дан орденының тулы кавалеры, искиткеч язмышлы кеше. Авыр сугышларны, яраларны һәм сугыш сынауларын үтеп, ул өенә кайта һәм тормышын балалар тәрбияләүгә багышлый, аларны Ватаннарының лаеклы гражданнары булырга өйрәтә.
Бөек Ватан сугышы еллары каһарманнарын бер минут тынлык белән искә алдылар. Бөек Ватан сугышы геройлары һәйкәле нигезенә кызыл канәферләр салынды. Митингта хәрби бурычын үтәгәндә күрсәткән батырлыклары һәм фидакарьлекләре өчен якташларыбызга дәүләт бүләкләре тапшырылды.
Ринат Мөхәммәтҗановка (үлгәннән соң) Батырлык ордены бирелде. Узган елның маенда ул махсус хәрби операция зонасына киткән, ә 2025 елның августында хәрби бурычын үтәгәндә һәлак булган, үзенең бурычына ахырга кадәр тугры калган. Бүләкне аның хатыны Фәйрүзә Әхмәт кызына тапшырдылар.
Бөек Җиңүнең һәрбер гаиләгә нинди дәһшәтле югалтулар һәм авыр хезмәт бәясе белән бирелүен онытырга хакыбыз юк. Миллионлаган корбаннар, тылдагы авырлыклар һәм сугыш ветераннарының батырлыгы — мәңгелек хәтер. Безнең бурыч — бары тик истә тоту гына түгел. Безнең бурыч — үз геройларыбызга лаеклы булу, үзебезнең матур илебезне саклау, якыннарыбыз турында кайгырту, бердәмлекне саклау, сугыш һәм безнең җиңү турында истәлекне яңа буынга тапшыру.
Һәлак булганнарга мәңгелек истәлек! Ватанны саклаучыларга мәңгелек дан!
Ләйлә МАДЬЯРОВА.
Фото Төмән муниципаль округы хакимиятенең МАХтагы рәсми каналыннан алынды.
