Сентябрь 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Бүгенге көндә татар телен саклау һәм үстерү мәсьәләсе бик актуаль. Шушы асыл эшкә зур өлеш кертүчеләр арасында кечкенә генә Ләйлә Таишеваның да урыны аерым. Ул — бары тик гаиләсендәге генә түгел, бөтен республика күләмендә татар теленең матурлыгын, байлыгын күрсәтүче үзенчәлекле бер вәкил.
Ләйлә — танылган артистлар Ландыш Нигъмәтҗанова һәм Фәрит Таишевның кызы. Аның танылуында атаклы әти-әнисе, гомумән, гаиләсе һәм үзенең шәхси сәләте, телгә осталыгы әһәмияткә лаек. Ул туган телендә шундый матур, аһәңле һәм дөрес сөйли ки, аның сөйләмен тыңлаучыларның күбесе соклануларын яшерә алмый. «Менә бу ичмасам шигырь сөйләүче!» — дип язалар аның чыгышларына карап. Әле 4 яшендә үк аның «Татарча инстаграмм йолдызчыгы» булуы очраклы түгел. Кечкенәдән үк татар теленең матурлыгын, аның аһәңен тоеп үсүе — аның әти-әнисе һәм әби-бабасының зур хезмәте.
Ләйләнең татар телен белүе гади сөйләшү генә түгел, ә чын сәнгать. Ул озын шигырьләрне ятлап кына калмый, аларны эмоция белән, артистларча оста итеп аңлап сөйли. Бу сәләте аңа «Татар сүзе» халыкара телевизион бәйгесендә җиңү китерә. Аның телгә осталыгы хәтта рус телле балаларга да татарча сөйләмнең мәгънәсен интонация, хәрәкәтләр аша аңларга ярдәм итә.
Ләйләнең иҗади потенциалы тел белгечлеге белән генә чикләнми. Ул — «Шаян ТВ» телеканалының «Кичке әкиятләр» тапшыруын алып баручы. Әлеге эшендә ул балаларга татар әкиятләрен сөйли, аларны туган телебезнең матур дөньясына алып керә. Аның тапшырулары балалар арасында бик популяр. Бу хезмәте югары бәяләнеп, Ләйлә «ТЭФИ-KIDS 2022» милли премиясенең «Иң яхшы алып баручы» номинациясендә финалга чыга. Ул «Мин татарча өйрәнәм» тапшыруын да алып бара.
Ләйлә - бары тик экрандагы образ гына түгел, ул чын тормышта да үзенең акыллылыгы, әйткән сүзләре белән шаккатыра белүче сәләтле бала. Аның энесе белән сөйләшүләре, тормыш турындагы фикерләре күпләрне сокландыра. «Күп белсәң дә бу дөньяда яшәве авыр», — дигән сүзләре халык арасында чын мәгънәсендә фразага әверелде.
Нәтиҗәдә, Ләйлә Таишева — буыннар бәйләнешен саклаучы, туган телгә мәхәббәтне һәм аны камил белүне үрнәк итүче, үзенең таланты белән меңләгән йөрәкләрне яулаган кечкенә шәхес. Аның үсеше — гаиләдәге тәрбиянең, телгә карата хөрмәтнең һәм шәхси тырышлыкның бергә тупланган нәтиҗәсе. Ул — татар теленең киләчәге өмете.
Тиздән Ләйлә һәм аның әти-әнисе Төмәндә бик матур концерт программасын тәкъдим итәчәкләр. Бу сәләтле кыз һәм аның осталыгы белән танышырга мөмкинлек туачак.
Гөлнур ВӘЛИЕВА.
