Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
“Төмән көзе” фестивалендә өлкәбездә яшәүче, унсигез яше тулган һәр кешенең катнашырга мөмкинлеге булды. Икенче көн барган чарада якташларыбыз фестиваль кысаларында уздырылган тематик викторинаның сорауларына җавап бирделәр. Җиңүчеләр гаджетлар, көнкүреш техникасын, татлы призлар оттылар. Шул ук вакытта 65 яшьтән өлкәнрәкләр һәм мөмкинлекләре чикләнгән тубыллылар анда дистанцион рәвештә катнаша алалар Викторинаның икенче этабында төп бүләкләр–автомобиль, фатир яки IPhone отарга мөмкин булды.
Кыйммәтле бүләкләргә кем ия булачагына “Тубыл вакыты” телеканалының туры эфирында билгеләнде. Тубылда 17 нче сентябрдә Юрий Ольшанский автомобиль отты. 18нче сентябрьдә автомобиль откан 69 яшендәге Галина Ивановага котлауларыбызны юллыйбыз.
Викторинада катнашып җиңү яулаган якташларыбыз Тубыл шәһәренең тарихын, архитектура һәйкәлләрен яхшы белүәрен күрсәттеләр. Викторина кысаларында кыйммәтле призлар уйнату 19 нчы сентябрьдә дәвам итәчәк.
“Төмән көзе” фестивалендә “Спортны сайлыйбыз” гаилә фестивале узды. Тубыллылар оештыручылар, спортчылар белән бергә спорт күнегүләрен башкардылар, мастер-классларда катнаштылар. Шәһәрнең алты мәйданчыгында ярминкә узды. Тубыллылар кондитер ашамлыкларын, сөт һәм ит продукциясен арзанлы бәяләрдән сатып алдылар.
Фестиваль мәйданчыкларында тубыллыларның яраткан артистлары күпләргә таныш булган, яраткан җырларын башкардылар. Себер татар мәдәният үзәге артистлары Пушкин урамындагы унбишенче мәктәп каршындагы мәйданчыкта җырлап, фестивальгә бәйрәм рухын өстәп, якташларының күңелләрен күтәрделәр. Көннәр салкынчарак булганга күрәдер, шәһәр халкы һәм кунаклары ботка, чәй белән дә сыйландылар.
Римма УМИТБАЕВА
