Июль 2018 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Җырда җырланган: “Авыл матур Таһир-Зөһрәләр белән,” – дигәндәй, мин үзебезнең авылда туып-үскән һәм шунда гомер кичерүче Альберт Мөхәммәтша улы Хәлидуллин турында язам. Төмән-Тарман рейслы автобусын йөртүче булып эшли ул. Халык аны яратып, кыскартып “Алик” дип тә дәшә. Ничә еллар эшләү дәверендә намуслы, кешелекле, ярдәмчел Альбертыбыз халык хөрмәтен яулады. Автобус тукталышы Эске авылы мәчете янында. Һәр көнен Альберт юл садакасы салудан башлый. Аның автобусны төгәл бер вакытта йөртүенә халык көлеп: “Аликның автобусына карап сәгатьне дөресләп була”, - ди.
Автобуста төрле характерлы пассажирлар була бит, ул җайлап кына сөйләшә, юлны яхшы белмәүчеләргә кайсы тукталышта төшеп, кайсы юнәлешкә барырга икәнлеген аңлатып бирә. Күптән түгел кызлардан соң көтеп алынган улы Ислам дөньяга килде. Без - авыл халкы Альбертыбызны улы тууы белән котлыйбыз. Пар канатлы булып яраткан хатыны Раилә белән шатлыклы, бәхетле гомер кичерсеннәр.
Бөтен авыл исеменнән Екатерина ӘХМӘТҖАНОВА,
Түбән Тәүде районы, Тарман авылы.