Октябрь 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
14 октябрь көнне Төмән шәһәренең татар мәдәният үзәгендә “Безнең яшьләр” яшьләр клубы оештыруында Чәк-чәк бәйрәме уздырылды. Әлеге чара “Чәк-чәк пати – 2017” халыкара акциясе кысаларында үтте. Жюри әгъзалары һәм тамашачылар игътибарына 3 уңган хуҗабикә – Әлфия Самерханова, Фирүзә Умудалиева, Миләүшә Хөсәенова үзләренең пешереп алып килгән чәк-чәкләрен тәкъдим иттеләр. Жюри әгъзалары һәр чәк-чәкне тәмләп, сыйфатына, бизәлешенә, дөрес итеп табынга куелганына карап бәя бирделәр. Хуҗабикәләргә тамашачылар биргән төрле сорауларга да җавап бирергә туры килде.
Бәйрәмгә ямь өстәп чараны алып баручы Ринат Гарифуллин белән Руфина Туйчикова һәм “Безнең яшьләр” клубы кызлары матур җырлар бүләк иттеләр, “Аккош” ансамбле биюләр башкарды. Төрле сынаулар аша үтеп уңган хуҗабикә исеменә Әлфия Самерханова лаек булды. Катнашучыларның һәркайсысына бүләкләр һәм дипломнар тапшырылды. Аннары кунакларны үзәк хезмәткәрләре тәмле чәк-чәк белән сыйладылар. Күңелле очрашу дискотека белән тәмамланды. (Тулырак мәгълүматны “Яңарыш” битләрендә укырсыз).
Рәүфә КАНГАЗИНА.