Ноябрь 2025 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Вагай районы, Баеш авылының мәчетендә Мәүлид ашы уздырылды. Ошбу авылнын зыяратында 14 нче гасырда ерак Урта Азиядән, Бохара ханлыгыннан, Себер җирлегенә килгән 366 шәехнең берсе Хәким Ата күмелгән. Монда аның кабере сакланып калган. Авыл халкы, зур хөрмәт белдереп, ошбу дин әһелен зурлап каберне матур койма белән коршап алган. Һәр ел саен авыл мәчетендә безнең якларга хак динне - Ислам динен алып килгән шәехләр хөрмәтенә аш мәҗлесләре үткәрелә. Монда зур белгечләр, тарих галимнәре катнашып, ошбу җыелышта бик мөһим, кызыклы тарих битләрен ачыклыйлар.
Ошбу җыелышлар, күрешүләр халкыбызның, динебезнең язмышын тирәннән белү өчен бик файдалы этәргеч булып тора. Бигрәк тә, яшьләр арасында хак динебезне һәм үзебезнең ана телебезне саклап калу өчен ошбу күрешүләрнең әһәмияте әйтеп бетергесез.
Уздырылган хатым ашында кунаклар күрше авыллардан, районнардан, Тубыл, Төмән шәһәрләреннән булдылар.
2004-2005 елларда Баеш астанасы, башкалар белән Төмән гуманитар тикшеренүләр институты, тарихи һәйкәлләрне саклау комитеты һәм Төмән өлкәсе мәдәният депртаменты тарафыннан паспортлаштырылган, астана һәйкәл статусын алган.
Ошбу күрешүдә өлкә татар газетасы – «Яңарыш»ка басым ясалды. Аны яздыру, аңа язылу, аның халкыбыз өчен әһәмияте турында сүз алып барылды.Баеш авылында күпләр газетаны яратып укыйлар һәм яздыралар. Башка авыллар өчен ошбу тәҗрибә сокланырлык үрнәк дип әйтер идем. Күпләр газетадагы белдерү ярдәмендә әлеге изге кичәгә килүләрен белдерделәр, рәхмәт әйттеләр.
Фатыйх ГАРИФУЛЛИН, Төмән шәһәре.
Баеш мәчетендә
