Декабрь 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
11 декабрь көнне Төмән индустриаль университетының актлар залында дин әһелләре студентлар белән очрашып, Ислам диненең төп мәгънәсе, максаты, башка дини конфессияләр белән мөнәсәбәте турында сөйләштеләр. Чарада эшлекле визит белән Төмән өлкәсенә килгән Дагестан Республикасы мөфтияте вәкиле Идрис хаҗи Асадуллаев, өлкә мөселман Диния нәзарәтенең Ислам мәгърифәт үзәге рәисе Искәндәр хәзрәт Юсупов, Төмән дәүләт университеты студентларында патриотик хис тәрбияләү үзәге менеджеры Динар Нәфыйков катнаштылар. Үзенең чыгышында Идрис хаҗи мөселман кешесенең җәмгыятьтәге роле, илебезнең мәдәни үзенчәлекләре, әйләнәдәгеләргә миһырбанлы, ярдәмчел, югары белемле булуның мөһимлеге, мөселманнар өчен Рабигуль-әүвәл аеның бик кадерле ай булуы һәм Мөхәммәт Пәйгамбәрнең тормыш юлы турында сөйләп, үзара, нинди дин әһеле булуга карамастан, дус, тату яшәргә кирәклеген аңлатты.
Искәндәр хәзрәт Юсупов студентларга өлкән буынга, гомумән, кешеләргә карата итагатьле булырга киңәш итте. Динар Нәфыйков яшьләргә интернет челтәрләрендә сак булырга, дини темага булган шикле мәгълүматларны үзләренең социаль челтәр битләренә урнаштырмаска киңәш итте. Аннары дин әһелләре студентларның биргән сорауларына җавап бирделәр. Шуны да өстәп әйтергә кирәк, бу очрашу өлкә мөселман Диния нәзарәте мөфтие Зиннәт хәзрәт Садыйков тырышлыгы белән оештырылды. (Тулырак мәгълүматны “Яңарыш” битләрендә укырсыз).
Рәүфә КАНГАЗИНА.