Декабрь 2022 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Татар дөньясы һәрвакыт хәрәкәттә. Без, бердәм булып, Яңа 2023 елга аяк басабыз. 2022 ел Идел буе Болгар дәүләтендә Ислам дине кабул ителүнең 1100 еллыгы, Бөтендөнья татар конгрессы оешуның 30 еллыгы һәм башка мөһим тантаналы чаралар белән тарих битләренә күчә.
Татарстан Президенты Рөстәм Миңнеханов 2023 елны Милли мәдәниятләр һәм гореф-гадәтләр елы дип, ә Бөтендөнья татар конгрессының Милли Шура әгъзалары «Милли дастаннар елы» дип игълан иттеләр. Безнең барыбызның да максат-бурычларыбыз бер, һәм аларны тормышка ашыруда, Җир шарының төрле кыйтгаларында гомер итүче милләттәшләребез белән бердәм булып, һәркем кулыннан килгәнчә, уртак эшебезгә үз өлешләрен кертәчәгенә ышанычыбыз зур.
Кадерле дуслар, 2023 ел барыбызга да саулык-сәламәтлек, гаиләләребезгә иминлек алып килсен. Бер-беребезнең кадерен белеп, тигезлектә яшик. Эшегездә зур уңышлар, бәхет-сәгадәтле тормыш һәм җан тынычлыгы телим!
Иң изге теләкләр белән, Татарстан Республикасы
Премьер-министры урынбасары, Бөтендөнья татар конгрессы
Милли Шура рәисе Васил ШӘЙХРАЗЫЕВ
* * *
Яңа ел килә якынлашып,
Һәрберебез көтә шатланып.
Тик алып килсен тынычлык,
Сәламәтлек тулы зур капчык.
Авырулар, кайгы-хәсрәтләр
Онытылып калсыннар иде.
Уйнап-көлеп, җырлап кына,
Бу дөньяда яшисе иде.
* * *
Кадерле, чибәр, тырыш «Яңарыш» кызларым!
Сезне чын күңелемнән якынлашып килүче Яңа ел бәйрәме белән котлыйм! Сезгә саулык-сәламәтлек, бәхеткә-шатлыкка төренгән бәхетле, мул тормыш, иман байлыгы, кесә тулы акча, өстәл тулы тәмле-татлы ризык телим! Якыннарыгыз булсын янәшә!
Мактаулы иҗади уңышлар сезгә!
Римма АРСУХИНА, Төмән шәһәре
