Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Әлеге X нчы юбилейлы иҗади бәйге 16 февраль көнне Төмән шәһәренең татар мәдәният үзәгендә узды. Биредә җирле үзешчән сәләт ияләре җыр, бию, музыка уен коралларында уйнау, фольклор, бәет, мөнәҗәтләр башкару жанрлары буенча ярыштылар. Аларның чыгышларына филология фәннәре кандидаты, фольклорчы Луиза Сөрмәтова, “Төзүче” милләтләр мәдәнияте сараеның татар бүлеге мөдире Гөлнара Кәримова һәм музыкант, композитор Әмир Хәлидов бәя бирделәр. Чара барышында “Фольклор” X нчы өлкә фестивалендә катнашырга лаек булганнарны да сайладылар.
Аларны әле проект авторы Вәлимә Ташкалова, педагогия фәннәре кандидаты Рафаэль Гадиев, Татарстанның атказанган мәдәният эшмәкәрләре Фәрит Хәкимов белән Фәрид Корманов билгеләделәр. Жюри әгъзаларына тамашачылар ярдәм итеп һәр чыгышны ялкынлы алкышларга күмделәр. Урыннар билгеләнеп, дипломнар тапшырылганнан соң Фәрит Хафиз улы “Фольклор” өлкә фестивален 10 ел җитәкләүче Вәлимә Ташкалова, “Түгәрәк уен” халыкара фестивале авторы Фәнзилә Җәүһәрованың эшләренә олы бәя биреп, рәхмәтләрен белдерде. Шулай ук ул катнашучыларга костюмнары, сәхнәдә үзләрен дөрес тотулары турында киңәшләр бирде. (Тулырак мәгълүматны “Яңарыш” битләрендә укырсыз).
Рәүфә КАНГАЗИНА.
