Февраль 2018 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
23 февраль көнне Төмән татар мәдәният үзәгендә эшләп килүче “Хыял” яшьләр студиясе җитәкчесе Фәгыйль Кәримовның юбилейлы очрашу кичәсе узды. Билгеле булганчы, Фәгыйль Тәүлетбәк улы мәдәният үзәгендә тавыш операторы вазифасын да башкара, үзе җырлар да иҗат итә. Һәм ул 10 ел дәвамында өлкәдә узган “Себер йолдызы” һәм “Татар егете” өлкә бәйгеләренең уңышлы үтүенә зур өлеш кертеп, катнашучыларның чыгышларын матур көйләр белән бизи. Фәгыйль Кәримов тубыл районы, Ишмәт авылында татар моңына гашыйк булган гаиләдә туып-үсеп, иҗат дөньясына беренче адымын Тубыл шәһәре себер-татар мәдәният үзәгендә башлап җибәрә. Биредә ул “Зәгъфран» иҗат төркемен оештырып, өлкәнең төрле шәһәрләренә концертлар белән йөриләр.
2007 елда ул Төмән шәһәр татар мәдәният үзәгенә эшкә килеп, “Хыял” яшь җырчылар студиясен булдыра. Биредә бүгенге көндә өлкәдә таныш булган җырчылар - Марат Вәлиев, Оксана Абайдуллина, Римма Әнвәрова, Лариса Насыйбуллина үсеп чыгалар. Тагын ул әле мәдәният үзәгендә эшләүче “Бәйрәм”, “Аккош” бию, “Сүнмәс хисләр”, “Нур” җыр ансамбльләренә аранжировкалар да яза. 
Очрашу кичәсендә Фәгыйль Кәримовны 50 яшьлек юбилее белән котлап авылдашы, эшмәкәр Альберт Колмәмәтов, Кырынкүл мәктәбе җитәкчесе Алефтина Манкаева, Тубылдан иҗатташ дуслары чыгыш ясадылар, бүләкләр тапшырдылар. Кичә “Хыял” ансамбле җырчылары, дуслары – Зөфәр Янгулов, Айзәт Насыйбуллин, “Сүнмәс хисләр” җыр, “Аккош” бию ансамбльләре чыгышлары белән үрелеп барды. “Татар егете”, “Себер йолдызы” өлкә бәйгеләре финалистларының заманча тегелгән татар киемнәрен тәкъдим итүләре дә чарага ямь өстәде. (Тулырак мәгълүматны “Яңарыш” битләрендә укырсыз).
Рәүфә КАНГАЗИНА.