«Тылсымлы сандык»

Подробности

Опубликовано 20.02.2026 11:26

Просмотров: 167

Тубыл округы, Ворогушино клубында «Тубыл округында татар мәдәнияте көннәре» фестивале кысаларында «Тылсымлы сандык» сәхнәләштерелгән программасы тамашачылар игътибарына тәкъдим ителде.

Авыл клубы коллективлары һәм бәйрәм кунаклары җырлы-биюле сәхнәләштерелгән күренештә актерлык осталыкларын күрсәттеләр. Татар халкының гореф-гадәт йоласы «Балага исем кушу»ны күрсәтеп, мәгънәсен тамашачыларга сөйләделәр, рольләрне оста башкардылар. Тамашачылар милли уеннарда катнаштылар, биеделәр һәм татар камыр ризыклары белән сыйландылар. Руфина Алемасова: «Безнең авыл хуҗабикәләре уңган, тырышлар. Без рус, татар мәдәниятеннән төрле иҗади номерлар тәкъдим иттек. Үзешчән сәнгатьнең иң яхшы иҗади номеры өчен тамашачылар тавыш бирде. Нәтиҗәдә «Илһам-Вдохновение» бию ансамбле (җитәкчеләре Лариса Деткова) җиңү яулады. Авыл халкы исеменнән артистларга, тамашачыларга онытылмаслык бәйрәм оештыруда ярдәмнәре өчен рәхмәтлебез, - диде. Ворогушино авыл клубында мәдәни чараларны оештыручы, кешеләрне берләштерүче, эшенә иҗади карашлы, мәдәни һәм милли традицияләрне саклаучы: «Безнең сәхнәләштергән күренештә төп рольне уйнаучы Минурый апа Марганова булды. Апа өлкән яшьтә булса да, ярдәмчел, гореф-гадәтләребезне белгән легендар әби. Коллективыбыз тату, рольләрен аңлап, яратып башкардылар. Әнисә апа Сергеевага да рәхмәтләребезне белдерәбез. Сәхнәләштерелгән күренешкә реквизитларны үзебез булдырдык. Безнең клубта булган төп реквизит - сандык булды. Җитәкчебез Екатерина Ильясова (Башковадан) иҗади карашлы кеше.

Мәдәни чараларда, бәйгеләрдә катнашучыларга, дуэт белән җырлаучылар: Лариса Деткова, Жанна Веневцевага, Маслау авылыннан килеп катнашкан Фәүзия, Ибәтулла Маметовларга иҗади уңышлар телим. Татар мәдәнияте көннәрен ел саен көтеп алабыз. Татар, рус милләт вәкилләрен берләштергән, мәдәниятебезне баеткан, гореф-гадәтләребезне саклаган фестивальнең иҗади юлы озын булсын, оештыручыларга рәхмәтләребезне белдерәбез», - диде.

Римма УМИТБАЕВА.