Март 2018 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
2 нче март көнне Төмән районының татар теле һәм әдәбияты укытучылары Каскара мәктәбенә семинарга җыелдылар. “Акъяр, Индрәй, Муллаш, Талымхан, Ямбай, Шыкча, Каскара мәктәпләренең татар теле укытучылары гына түгел, ә башлангыч сыйныф мөгаллимнәре дә килгәннәр иде. “Яңа стандартлар нигезендә заманча укыту” дигән темага яшь укытучылар - Әлфинур Бакиева һәм Зөһрә Риханова рус hәм татар әдәбиятын чагыштырып ачык дәрес күрсәттеләр. “Әбиемә бүләккә” дигән класстан тыш чараны Вәсилә Әлмукова оештырган. Биредә укучылар әбиләрен бүләкләделәр, җырладылар, биеделәр, милли уеннар уйнадылар, рәхәтләнеп татарча сөйләштеләр.
Түгәрәк өстәл артында Талымхан мәктәбе укытучылары Эльмира Садыйкова мастер-класс, Гөлфирә Сагетдинова “Яңа стандартлар нигезендә татар телен заманча укыту” дигән темага эчтәлекле чыгыш ясады. Кунаклар дәресләргә зур бәя бирделәр”, - дип сөйләде район татар теле һәм әдәбияты укытучылары методик берләшмәсе җитәкчесе Гүзәлия Муллачанова.
Мөгаллимнәр уку елында башкарылган эшләр белән уртаклаштылар, яңа эшләр турында сөйләштеләр.
Гөлнур ВӘЛИЕВА.