Бөҗәкләр ничек ишетә?

Подробности

Опубликовано 07.08.2020 08:00

Просмотров: 479

Бөҗәкләрнең күбесе өчен тавышның бернинди әһәмияте юк: алар аны ишетмиләр дә. Кырмыскалар, мәсәлән, асылда саңгыраулар. Үзләре тавыш хасил итәргә сәләтле бөҗәкләрнең шактый яхшы ишетү органнары бар. Саранча, мәсәлән, “корсагы” белән тыңлый. Көндезге күбәләкләрдә “колак” алгы канат төбендә, төнге күбәләкләрдә – күкрәк белән корсак арасына урнашкан. Чикерткәләр “аяк белән” тыңларга җайлашканнар. Бер караганда әллә ни катлаулы да булмаган бу ишетү органнарының сизгерлеге гаҗәпләндерә. Кеше колагы тавышлар арасында секундның 1/10 өлешен тәшкил иткән аерманы гына сизә алса, бөҗәкләр өчен бу сан 1/100 гә җитә. Ата озынборыннар секундына 350 җилпенү ясап узып баручы ана озынборын тавышын ишетәләр. Кайвакыт бу бөҗәкләр, ялгышып, электростанция ягына күпләп очалар, чөнки генераторның гүләве ана озынборыннарның канаты тирбәнү ешлыгына туры килә икән. Нәтиҗәдә, кайнар трансформаторга эләгеп, миллионлаган озынборын һәлак була.

“Балалар календаре”.